Evliliyi bitirən səbəb nədir?

Evliliyin sona çatmasının fərqli səbəbləri var. Səbəblərin çoxu zamana müvafiqdir. Məsələn, evliliyi bitirən 20 il əvvəlki səbəb indiki dövrdə olan səbəb tamamilə fərqlidir. Əsas səbəbləri təqdim edirik.

1. İqtisadi səbəblər

Yüksək inkişaf etmiş ölkələrdə boşanma nisbəti az inkişaf etmiş ölkələrə nisbətən daha yüksəkdir. Çünki yüksək inkişaf etmiş ölkələrdə qadınlar iqtisadi azadlığa malikdirlər. İş sahibi olan qadınlar ev həyatında sıxılırlar. Kişi ilə yanaşı qadının da güclü olmağı bəzi mübahisələrə səbəb olur. Həmçinin, iqtisadi cəhətdən problem yaşayan ailələrdə də boşanmalar olur.

2. Mədəni fərqlər

Fərqli mədəniyyətlərdən olan insanlar arasında fikir ayrılıqları daha çox yaranır. Mədəniyyət, inanc və məzhəb kimi fərqlərə ayaq uydura bilməyən cütlüklər qısa müddətdə ayrıla bilərlər.

3. Erkən və ya gec yaşda qurulan evliliklər

Erkən yaşda edilən evliliklər cütlüklərin səhv qərarlar verməsindən qaynaqlanır. Belə insanlar sonradan peşmanlıq yaşayırlar. Gec yaşda evlənənlər də boşanma riski ilə üz-üzədirlər. 30 yaşına qədər tək yaşayan kişi və ya qadın bu zamana qədər həmişə azad həyat sürür. Evlilik onların gözünü qorxuzur.

4. Evli cütlüklərin ailələri ilə birlikdə yaşaması

Çoxluğun olduğu və hər ağızdan bir söz çıxdığı evdə evlilik də təhlükə altına düşür. Kiişinin evləndikdən sonra ailəsi ilə yaşamağa davam etməsi qız üçün böyük problemlərə səbəb olur.

5. Pis vərdişlər

Cütlərdən birinin alkoqol və qumar kimi pis vərdişləri varsa, bu ailədə narahatlıq yaradır.

6. Aldatma və virtual mühitlər

Bu gün aldatma anlayışına fərqli ölçülər daxil olub. İnternet əsrində yaşadığımız üçün hər şey əlimizin altındadır. Evli insan belə saytlarda özünə dost və ya sevgili taparaq həyat yoldaşını aldada bilər. Bu, boşanma ilə nəticələnər.

7. İfrat qısqanclıq

İfrat qısqanclıq əslində etibarsızlıqdan qaynaqlanır. Bu problem cütlüklər arasında arzuolunmaz hallarla nəticələnə bilər. Ailə daxili şiddət və boşanma belə hallar arasındadır.

8. Cütlüklərin şəxsiyyət strukturlarının bir-birinə uyğun olmaması

Sevgidə əks qtblər bir-birini cəzb edir. Evlilikdə isə fərqlidir. Bu uyğunsuzluqları azaltmaq üçün hər iki tərəf müəyyən addımlar atmalıdır.

9. Ərlə arvadın bir-birinə vaxt ayırmaması

Ər və arvadın işdən dolayı başqa insanlarla daha çox vaxt keçirməsi böyük problemlər yarada bilər. Onlar eqoist davranmamalı, empatiya qurmalıdırlar.