Heyvadan öskürək əleyhinə belə istifadə edin

Payızın, soyuq ayların ən çox istifadə olunan meyvələrindən biri də heyvadır. Heyvanın faydaları çoxdur. Amma soyuq aylarda heyvadan ən çox öskürək əleyhinə təbii dərman kimi faydalanırlar.

Həkim-fitoterapevt Fizuli Hüseynovun bununla bağlı fikirlərini təqdim edirik:

Soyuq hava və infeksiyaların yayılması qış aylarında xəstəliklərin artmasına səbəb olur. Soyuq havalarda istehlak ediləcək bitki çayları həm toxunulmazlığı gücləndirir, həm də xəstəliklərdən qoruyur. Eyni zamanda, portağal, zəncəfil və qərənfil də infeksiya və ağrının qarşısını almaq üçün faydalıdır.

Heyva qış aylarının olmazsa olmaz meyvələrindən biridir. Heyva öskürəyi azaltmağa və boğazı yumşaltmağa kömək edir. Heyva toxumu qalınlaşdırıcıdır və çaylara əlavə edildikdə sakitləşdirici xüsusiyyətlərə malikdir. Həzmi asanlaşdıran heyva, xərçəngin qarşısını almaq, kilo vermək, sağlam dəri, allergik reaksiyalar, immunitet sistemini gücləndirmək və qan təzyiqini balanslaşdırmaq kimi bir çox müsbət təsirə malikdir. Ancaq çox miqdarda istehlak edilən heyva toxumlarının zəhərli təsir göstərə biləcəyini unutmaq olmaz.Heyvadan öskürək zamanı çox istifadə olunur. Əsasən də heyva tumlarının suda və ya süddə dəmlənməsindən. 1 ədəd heyvanın tumu 1 stəkan otaq temperaturunda olan su ilə qarışdırılır, 1 gün gözlənilir jele kimi olanda süzülür, yeməkdən əvvəl gündə 3 dəfə hər dəfə 2-3 xörək qaşığı içilir.

1 ədəd heyva tumunu 1 stəkan süddə 5 dəqiqə qaynadıb 8-10 saat gözlənilir, süzülür və gün ərzində yavaş-yavaş içilir.

1 ədəd heyvanı qabıqlarını soyub, dilimləyib, zeytun yağında bişirib 3 yerə bölərək gündə 3 dəfə yeməkdən əvvəl hər dəfə 1 hissəsini yemək lazımdır.

Öskürək və göy öskürək zamanı olduqca faydalı bir reseptdir. Heyva ağacının yarpaqlarından da öskürək və miomalar zamanı çay kimi dəmləyib içə bilərsiniz.

e-tibb.az