Koreyalı qadınlar dərilərinə necə qulluq edirlər?

Koreyalı qadınların möhtəşəm görünən dərilərinin əlbəttə ki, bir sirri var. Koreyalı qadınlar kiçik yaşlarından etibarən gözəl dəriyə sahib olmağı sevirlər. Buna əsasən dəriyə qulluq üsulları ilə nail olurlar. Koreyalıların "Glass skin" adlandırdığı dəri formasına nail olmağın yollarını təqdim edirik.

1. Dərini təmizləmək

Burada əsas məqam odur ki, makiyajsız olduqda belə dəri tamamən təmizlənməlidir. Dəri təmizləyən məhsulla 3-5 dəqiqə ərzində üzünüzü ovuşduraraq dərinizin yağlardan və makiyaj qalıqlarından arınmasını təmin etməlisiniz.

2. Məsamələri təmizləmək

Məsamələrin təmiz və kiçik olması koreyalı qadınların gözəllik anlayışında mühüm yer tutur. Bu addım üçün dərini ölü dərilərdən təmizləyəcək bir scruba və ya peelingə ehtiyac var. Üzünüzü qıcıqlandırmayan məhsullarla məsamələrdən xilas ola bilərsiniz.

3. Toniklə təmizləmək

Keyfiyyətli toniklərdən istifadə etmək lazımdır. Pambıqla dərinizi incitmədən kirlərdən tonikin köməyi ilə qurtula bilərsiniz.

4. Maska

Nəmləndirən və yumşaldan bir maska istifadə etmək dəriyə yaxşı təsir edəcək. Maska çeşidi seçərkən əsasən onun islaqlığına və tərkibinin zənginliyinə önəm verilməlidir.

5. Esans - Essence

Bu addım Koreyada olduqca məşhurdur. Ciddi təsir yaradan bir məhsuldur. Dəri tərəfindən tamamilə sorulması bu addımın əsas şərtidir.

6. Serum

Dəriyə serum çəkərkən ən vacib məsələlərdən biri də məhsulun masaj yolu ilə tam sorulmasını təmin etməkdir. Koreyalı qadınlar dərilərinə serum çəkərkən masaj alətləri istifadə edirlər.

7. Məsamələri sıxlaşdırmaq

Məsamələri sıxlaşdırmaq üçün nəzərdə tutulmuş bir çox məhsul vardır. Gel formalı məhsullara üstünlük vermək daha məqsədəuyğundur. Məsamələr sıxlaşdıqca makiyaj daha gözəl təsir bağışlayacaq.

8. Göz çevrəsi kremi

Göz altındakı şişkinliklərin aradan qaldırılması koreyalı qadınlar üçün çox önəmlidir. Son vaxtlar metal toplarla masaj edilərək tətbiq olunan göz çevrəsi kremləri xüsusən məşhurdur.

9. Nəmləndirmə

Nəmləndirmə hər növ dəri üçün vacib addımdır. Dəri tez-tez nəmləndirici ilə masaj edilməlidir. Dərinin parlaqlığını artıran bu addım həmçinin quruluqlara və gərilmələrə imkan yaratmır.

10. Günəşdən qoruyucu

Dəriyə qulluğu gündüz edirsinizsə, günəşdən qoruyucu da istifadə etməlisiniz. Koreyalı qadınlar bəyaz dərili olduqları üçün günəş altında yanmaq onlar üçün yolverilməzdir. Buna görə günəşdən qoruyucu istifadə etmək lazımdır.