İslam dinində yuxular və onların xüsusi yozumları vardır. Yaxşı yuxu görüldükdə dua edilir. Dünya və axirət arasında Aləm-i Misal deyilən bir yerin olduğu bildirilir. İnsan sağ ikən onun ruhu hərdən bədənindən ayrılaraq bura gəlir. İslama görə yuxular üç yerə bölünür: rəhmani, şeytani və nəfsani.
Peyğəmbər və yuxular
Yuxu ilə bağlı Qurani Kərimdə ayə var. Məhəmməd peyğəmbərin də yuxularla bağlı yozumları mövcuddur. Quranda konkret olaraq hansı simvolun nəyə işarə olduğu yazılmasa da, islam aləmində yuxu yozumlarına geniş yer verilir. Məhəmməd peyğəmbərin sübh namazından sonra camaata səslənərək "Yuxu görən varsa, danışsın" dediyi söylənilir. Yuxular Məhəmməd peyğəmbər və Həzrəti Əbubəkr tərəfindən təfsir olunub. Uhud günü gördüyü yuxudan dolayı Məhəmməd peyğəmbər döyüşə könülsüz gedib.
Quranda yuxu ilə bağlı ayələr
Ənfal surəsi, 43-cü ayə: Allah sənə yuxundan onları açıq-aşkar göstərsəydi, qorxacaqdın. Lakin Allah salamata bağladı, çünki O, bütün illərin özünü bilir. Yusif surəsi, 4-cü ayə: Bir vaxt Yusif atasına:"Atacan, mən yuxuda onbir ulduzla günəşi və ayı gördüm. Gördüm ki, onlar mənə səcdə edirlər" - dedi.
Yusif surəsi, 5-ci ayə: Atası: "Oğlum, yuxunu qardaşlarına danışma, sonra sənə tələ qurarlar. Çünki şeytan insana məlum bir düşməndir.
Yusif surəsi, 36-cı ayə: Onunla birlikdə zindana daha iki igid girdi. Biri yuxuda şərab satdığını dedi. Digəri yuxuda çörəyi götürərkən onu quşların dimdiklədiyini gördüyünü dedi. Onlar yuxularının yozulmasını istədilər.
Yusif surəsi, 41-ci ayə: Ey zindan dostlarım, keçək yuxunuza: "Biriniz əfəndisinə yenə şərab təklif edəcək, digəri asılacaq və quşlar başını didəcək. Fətvasını istədiyiniz məsələ həll edildi.
Yusif surəsi, 44-cü ayə: Dedilər: Yuxu dediyin ayrı-ayrı xəyallardır, bizsə xəyalların yozumunu bilmirik.
Yusif surəsi, 100-cü ayə: Ana və atasını taxta çıxardı. Hamısı Yusif üçün səcdəyə qapandılar. Yusif: "Atacan, bundan əvvəlki yuxumun şərhi budur, doğrudan da Rəbbim bunu həyata keçirdi. Məni zindandan çıxardı, şeytan mənimlə qardaşlarımın arasını pozduqdan sonra sizi çöldən bura gətirdi. Həqiqətən Rəbbim gördüyü tədbirlərdə misilsizdir. O, hər şeyi çox yaxşı bilən, hər etdiyini bir hikmətəgörə edəndir".
Yusif surəsi, 101-ci ayə: Ya Rəbb, sən mənə mülkdən bir nəsib verdin və mənə yuxuların yozumundan bir elm öyrətdin. Göyləri və yerləri yaradan Rəbbim, dünya və axirətdə mənim vəlim sənsən! Mənim ruhumu müsəlman olaraq al və məni ən yaxşılar arasına qat.
Əs-Saffat surəsi, 102-ci ayə: (Oğul) yanında qaçmaq vaxtına çatınca: "Oğlum, mən səni yuxumda boğduğumu görürəm. Gör bunu necə düşünəcəksən" dedi. Oğul: "Ata, sənə nəyi əmr edirlərsə, et. Mən səbr edənlərdən olacam".
Saffat surəsi, 105-ci ayə: Yuxuda doğrudan da sədaqət göstərdin. Biz gözəl davrananları belə mükafatlandırırıq.