Ağdamda istehsal olunacaq ayaqqabılar xaricə də satılacaq

Ağdamda istehsal olunacaq ayaqqabılar xaricə də satılacaq

“BAFCO İnvest” MMC tərəfindən Ağdam Sənaye Parkında ayaqqabı fabrikinin tikintisi yekunlaşıb, burada Almaniyadan gətirilmiş avadanlıqlar quraşdırılıb. Müəssisədə test nümunəsində məhsullar istehsal edilir. Yaxın vaxtlarda istehsal prosesinə başlanması nəzərdə tutulur.

MMC-nin Marketinq və PR üzrə meneceri Aynurə Həsənova AZƏRTAC-ın bölgə müxbirinə bildirib ki, Ağdam Sənaye Parkında 2,5 hektar ərazidə yerləşən müəssisə Almaniyanın qabaqcıl texnologiyalarının tətbiqi ilə müxtəlif təyinatlı çəkmə, tikinti və digər sahələrdə istifadə üçün nəzərdə tutulan, dəmir ucluqlu və altlıqlı təhlükəsizlik ayaqqabılarının istehsalı üzrə ixtisaslaşıb. İnvestisiya dəyəri 10 milyon manatdan çox olan müəssisədə 120 iş yeri yaradılacaq.

Müəssisədə istehsal olunacaq ayaqqabılar payız/qış, yay/yaz mövsümlərinə, o cümlədən təhlükəsizlik xüsusiyyətlərinə müvafiq olacaq fərqli modellərə bölünür. Ayaqqabı növləri İSO 20345 standartının tələblərinə uyğun olaraq S1, S1P, S2, S3 təhlükəsizlik siniflərinə aiddir.

“BAFCO İnvest”in istehsal etdiyi poliuretan çəkmələr su, yağlar və müxtəlif kimyəvi maddələrə davamlıdır, bu səbəbdən kimya sənayesində və digər aqressiv mühitlərdə istifadəsi üçün ideal seçimdir. Çəkmələrin elastik və düzgün anatomik forması, yüngül çəkisi və aşınmaya davamlılığı işdə qoruyucu xüsusiyyətlərlə yanaşı, yüksək komfortun təmin olunması deməkdir.

İstehsal prosesi və keyfiyyətə nəzarət, bu sahədə geniş təcrübəyə malik yüksəkixtisaslı yerli və xarici mütəxəssislər tərəfindən idarə olunur. Almaniyanın tanınmış “Desma” markasının son nəsil avadanlıqları ilə təchiz olunan fabrikin illik istehsal gücü 510 min cüt ayaqqabı təşkil edir.

“BAFCO İnvest”in təklif etdiyi məhsullar müxtəlif sahələrdə işçilərin maksimum təhlükəsizliyini və komfortunu təmin etmək üçün ideal seçimdir. "Made in Azerbaijan" adı altında istehsal edilən ayaqqabıların daxili bazarla yanaşı, xarici ölkələrə satışı da nəzərdə tutulub.

Mənbə: AZƏRTAC

Məqaləyə emosiya bildir:
14 gün əvvəl
392 dəfə oxundu
ilk.az-çılar nə deyir?
Fikirlər (0)
Oxşar yazılar
Macarıstan NATO-nun Ukraynadakı missiyalarında iştirak etməyəcək
Macarıstan NATO-nun Ukraynadakı missiyasında iştirak etməyəcək, lakin Alyansın digər...
  • 10 dəq. əvvəl
  • 3
Daha 254 müdafiəçinin meyitləri Ukraynaya qaytarılıb
Ukraynaya repatriasiya tədbirlərinin nəticələri üzrə daha 254 müdafiəçinin meyitləri...
  • 41 dəq. əvvəl
  • 15
"Azərbaycanım" Beynəlxalq VII Uşaq və Gənc Rəsm Festivalının iştirakçıları ilə görüş olub
Şirvan-Salyan Regional Mədəniyyət İdarəsinin Salyan Dövlət Rəsm Qalereyasında...
  • 1 saat əvvəl
  • 28
Füzulidə Milli Qurtuluş Gününə həsr edilən tədbir keçirilib
Füzuli rayonunda 15 İyun-Milli Qurtuluş Günü münasibətilə “Ulu Öndər Heydər Əliyev...
  • 3 saat əvvəl
  • 36
Avro-2024: Almaniya millisi açılış oyununda Şotlandiyaya böyük hesabla qalib gəlib - YENİLƏNİB 7
Avropa çempionatında Almaniya və Şotlandiya yığmaları arasında keçirilən matç başa...
  • 3 saat əvvəl
  • 37
Avro-2024: Almaniya millisi fasiləyə üç top fərqli üstünlüklə yollanıb - YENİLƏNİB 4
Avropa çempionatında Almaniya və Şotlandiya yığmaları arasında keçirilən matçın ilk...
  • 4 saat əvvəl
  • 46