Aralıq dənizində 7 min illik yol tapıldı

Aralıq dənizində 7 min illik yol tapıldı

Aralıq dənizində 7 min illik yol tapıldı. Üst-üstə yığılmış daşlardan hazırlanmış sualtı keçidin görüntüləri də yayımlanıb.

AZƏRTAC “The İndependent” nəşrinə istinadla xəbər verir ki, Xorvatiyanın Korçula adlanan adasının sahillərində yerləşən sualtı arxeoloji sahədə daş dövrünə aid yol aşkar edilib.

Tədqiqatçıların fikrincə, bu qədim yol bir vaxtlar quruda yerləşən, lakin indi Aralıq dənizinin qolu olan Adriatik dənizindən təxminən 4-5 metr aşağıda yerləşən yaşayış məntəqəsini birləşdirib. Arxeoloqlar ilk dəfə 2021-ci ildə Korçula ətrafındakı suların peyk şəkillərini araşdıraraq Soline adlanan bu arxeoloji ərazini müəyyən ediblər. Zadar Universitetinin arxeologiya departamentindən tədqiqatçı İqor Borziç və onun həmkarları bu yaxınlarda dəniz dibində qeyri-adi strukturlar aşkarlayıblar. Bundan sonra komanda daha yaxından baxmaq üçün Adriatik okeanına dalğıc ekspedisiyalarına başlayıb. Nəticədə Korçulanın qərb sahilindəki Qradina körfəzində 7 min illik yolun qalıqları aşkar edilib. Bu batmış yol daş dövründə həmin bölgədə yaşamış “Hvar xalqları” kimi tanınan itirilmiş dəniz mədəniyyətinə aid olub. Universitet üst-üstə yığılmış daşlardan hazırlanmış sualtı keçidin görüntülərini də dərc edib. Universitetdən verilən açıqlamada deyilir: “Korçula adasındakı batmış neolit Soline arxeoloji sahəsində sualtı araşdırmalar zamanı arxeoloqlar onları təəccübləndirən qalıqlar tapıblar”.

Dəniz palçıqlarının altında onlar Hvar mədəniyyətinin indi batmış tarixdən əvvəlki yaşayış məntəqəsini Korçula adasının sahilləri ilə birləşdirən yol aşkar ediblər. Təxminən 4 metr eni olan yol, Solinedə aşkar edilən 4 min 900 il yaşı olan digər tarixi əsərlərdən çox daha qədim olması ilə diqqət çəkir. Komanda suyun altında çaxmaq daşından bıçaqlar, daş baltalar və dəyirman daşı parçaları tapıldığını bildirir. Artefaktlar təxminən 7 min il əvvəl şimal-şərq Adriatik dənizinin adalarında və sahillərində məskunlaşan əsrarəngiz Hvar xalqlarına işıq salacaq.

Mənbə: AZƏRTAC

Məqaləyə emosiya bildir:
25 gün əvvəl
388 dəfə oxundu
ilk.az-çılar nə deyir?
Fikirlər (0)
Oxşar yazılar
Livanın cənubunda silsilə partlayışlar baş verib
İsrailin Livanın Adlyun kəndində və qonşu ərazilərdəki sursat anbarına endirdiyi...
  • 5 saat əvvəl
  • 35
Bu gün DİM hərbi liseylərə qəbul imtahanı keçirir
Dövlət İmtahan Mərkəzi (DİM) iyulun 21-də Müdafiə Nazirliyinin hərbi liseylərinə qəbul...
  • 6 saat əvvəl
  • 44
Tramp andiçmə mərasimindən əvvəl Ukraynadakı münaqişəni həll edəcəyinə söz verib
ABŞ-da prezidentliyə namizəd Donald Tramp seçkilərdə qalib gələcəyi halda, andiçmə...
  • 7 saat əvvəl
  • 53
Göbələk depressiyadan qurtulmağa kömək edir
Alimlər göbələyin tərkibindəki “psilosibin” adlı maddənin depressiyanın...
  • 9 saat əvvəl
  • 59
Boliviya - Çili sərhədində avtobusla yük maşını toqquşub, 16 nəfər ölüb
Boliviya - Çili sərhədi yaxınlığında avtobus və yük maşınının iştirakı ilə...
  • 10 saat əvvəl
  • 70
Yunanıstanda bir gündə 45 meşə yanğını baş verib
Yunanıstanda bir gündə 45 meşə yanğını baş verib.AZƏRTAC xəər verir ki, bu barədə...
  • 10 saat əvvəl
  • 63