Azərbaycan UNESCO-da Beynəlxalq Çay Günündə təmsil olunub

Azərbaycan UNESCO-da Beynəlxalq Çay Günündə təmsil olunub

UNESCO-nun mənzil qərargahında qurumun çay istehsal edən üzv ölkələrinin daimi nümayəndəliklərinin iştirakı ilə Beynəlxalq Çay Günü qeyd olunub.

ILK.AZ Azərtac-a istinadən xəbər verir ki UNESCO-nun təşkilatçılığı ilə keçirilən tədbirdə Azərbaycanın stendi Fransadakı səfirliyimizin dəstəyi ilə Fransa-Azərbaycan Dialoqu və Toğrul Nərimanbəyov adına assosiasiyalar tərəfindən təşkil edilib.

Tədbirdə UNESCO-nun Baş direktorunun müavini Sin Ku, çay istehsal edən ölkələrin təşkilat yanında daimi nümayəndələri çıxış edərək çay bitkisinin yarpaqlarından hazırlanan bu içkinin sudan sonra ən çox istehlak edilən içki olduğunu, bu bitkinin mənşəyinin dəqiq yeri məlum olmasa da, onun 5000 il bundan əvvəl Çində istehlak edildiyini qeyd ediblər. Həmçinin çay istehsalı və emalının inkişaf etməkdə olan ölkələrdə milyonlarla ailənin əsas gəlir mənbələrindən biri olmaqla yanaşı, az inkişaf etmiş ölkələrdə ən yoxsul ailələrin əsas dolanışıq vasitəsi olduğu bildirilib. Qeyd edilib ki, çay sənayesi əslində bəzi kasıb ölkələr üçün əsas gəlir və ixrac mənbəyidir. Çayın sağlamlıqla bağlı məziyyətləri vurğulanıb.

Çay süfrələri hər ölkənin ənənələrinə uyğun şəkildə UNESCO yanındakı daimi nümayəndəliklər tərəfindən təşkil edilib. Tədbirdə yanaşı olan Azərbaycan və Türkiyə çay stendləri daha çox diqqəti cəlb edib.

Milli suvenirlərlə bəzədilmiş Azərbaycan çay stendində milli şirniyyatımız və Azərbaycan çayı, eləcə də Heydər Əliyev Fondunun UNESCO-nun maddi və qeyri-maddi mədəni irs siyahısına salınmış mədəni və tarixi irs abidələrinə dair fransız dilində nəşrləri, armudu stəkanlar, milli musiqi alətlərini əks etdirən suvenirlər nümayiş olunub. Ziyarətçilərə Azərbaycan çayı haqqında məlumat verilib və fransız dilində nəşrlər hədiyyə edilib.

Tədbirdə Parisdə fəaliyyət göstərən “Natəvan” məktəbinin şagirdlərinin Azərbaycan, Şuşa, eləcə də sülh mövzusu ilə bağlı çəkdikləri rəsm əsərləri nümayiş olunub.

Tədbirin bədii hissəsində iştirakçı ölkələrin incəsənət nümayəndələri milli musiqi və rəqslərini təqdim ediblər.

Mənbə: AZƏRTAC

Məqaləyə emosiya bildir:
8 gün əvvəl
363 dəfə oxundu
ilk.az-çılar nə deyir?
Fikirlər (0)
Oxşar yazılar
Mərdəkanda qətl törədilib
İyunun 19-da paytaxtın Xəzər rayonu Mərdəkan qəsəbəsində 1997-ci il təvəllüdlü Adil...
  • 2 dəq. əvvəl
  • 5
Bu gün Xalq artisti Möhsün Sənaninin doğum günüdür
Həyatının 50 ilini Azərbaycan teatr sənətinə həsr edən Möhsün Sənani səhnəmizin...
  • 1 saat əvvəl
  • 15
DİN: Dünən ölkə ərazisində 105 kiloqrama yaxın narkotik aşkarlanıb
Polis əməkdaşlarının keçirdikləri əməliyyat tədbirləri ilə iyunun 18-də ümumi...
  • 1 saat əvvəl
  • 18
Rusiya Prezidenti ilə KXDR liderinin görüşü başlayıb
İyunun 19-da Koreya Xalq Demokratik Respublikasının (KXDR) paytaxtı Pxenyanda ölkə lideri Kim...
  • 2 saat əvvəl
  • 23
ABŞ-də 500 min miqrant vətəndaşlıq ala bilər
ABŞ prezidenti yüz minlərlə qanunsuz miqranta vətəndaşlıq hüququ verməklə bağlı...
  • 4 saat əvvəl
  • 34
Çadın əsas silah anbarında şiddətli partlayış baş verib
Çad Respublikasının paytaxtı N'Djamena şəhəri yaxınlığındakı silah anbarında yanğın...
  • 4 saat əvvəl
  • 35