![Azərbaycanla Kuba arasında turizm sahəsində əməkdaşlıq imkanları müzakirə edilib](/uploads/news-thumbs-900x600/azerbaycanla-kuba-arasinda-turizm-sahesinde-emekdasliq-imkanlari-muzakire-edilib.jpeg)
Azərbaycanla Kuba arasında turizm sahəsində əməkdaşlıq imkanları müzakirə edilib
Azərbaycanın Kubadakı səfiri Ruslan Rzayev 6 iyun tarixində bu ölkənin turizm naziri Xuan Karlos Qarsia Qranda ilə görüşüb.
Səfirlikdən verilən məlumata görə, görüşdə Azərbaycanla Kuba arasında əlaqələrin inkişafından məmnunluq ifadə olunub və turizm sahəsi də daxil olmaqla digər istiqamətlərdə əməkdaşlıq üçün geniş imkanların olduğu vurğulanıb. Söhbət əsnasında iki ölkə arasında turizm, hotelçilik və turizm obyektlərinin idarə olunması kimi sahələrdə əməkdaşlıq, bu sektorda çalışan mütəxəssislər, eyni zamanda ixtisaslaşmış ali təhsil ocaqları arasında mübadilələrinin həyata keçirilməsi imkanları müzakirə edilib.
Görüşdə həmçinin, Azərbaycan turizm agentliklərinin nümayəndələrinin bu yaxınlarda Kubaya baş tutmuş tanışlıq səfərləri məmnununla xatırlanaraq, bu cür mübadilələrin davam etdirilməsinin və hər iki ölkədə təşkil edilən beynəlxalq turizm sərgilərində iştirakın vacibliyi qeyd edilib.
Məlahət Nəcəfova
Vaşinqton
Mənbə: AZƏRTAC
Məqaləyə emosiya bildir:
467 dəfə oxundu
ilk.az-çılar nə deyir?
Fikirlər (0)