Bacı-qardaşını qısqanan uşaqla necə davranmaq lazımdır?

Qısqanclıq həyatın bütün mərhələlərində görülür. Ancaq bu, uşaqlarda özünü da açıq formada biruzə verir. Bu qısqanclıq hissi ilə mübarizə aparmaq əvəzinə, uşağa qısqanclıq hissinin məqbul olduğunu və bununla necə davranılacağını öyrətmək olar. Əvvəlcə qısqanclıq yaşayan və bu vəziyyət üçün həll yolları axtaran uşaqların narahatlıqlarını araşdıraq.

Qardaş-bacısını qısqanan uşağın narahatlıqları

Bacı-qardaş qısqanclığı hər uşaqda eyni nisbətdə görülməyə bilər. Uşaqlar arasındakı yaş fərqinin az olduğu dövrlərdə rast gəlinir. Valideynlərin münasibətləri, cinsiyyət, yaş faktoru problemlərin ölçülərini müəyyənləşdirir. Uşaqlar kiçik bacı-qardaşlarına göstərilən maraqdan və artıq heç kimin onlara əhəmiyyət vermədiyini hiss etdiklərindən qısqanc olurlar. Bu uşaqların ən böyük narahatlığı artıq heç kim tərəfindən sevilməmələri ilə bağlıdır.

Qısqanc uşaqlar necə davranışlar sərgiləyirlər?

Anadan uzaqlaşmağa və ya arzuolunmaz şeylərə meyl edə bilərlər.

Psixoloji problemlərlə qarşılaşa bilərlər; qəfil hərəkətlər, özünə qapanma və ya əsəbilik duyğuları özünü göstərər.

Qardaş-bacısının etdiklərini təkrarlayar: yatağı islatma, əmzik əmmək kimi vərdişlər. Məktəbə getməmək istəyər, özünü kiçik bacı və ya qardaşı kimi aparar.

Valideynlər nə etməlidirlər?

Valideynlər uşaqlarına nə qədər bərabər yanaşsalar, uşaqlar arasında bu münaqişə o qədər az olur. Uşaqlarla yaşlarına uyğun olaraq ünsiyyət qurulmalı və bir-birlərinə zərər verəcək davranışlardan yayındırılmalıdır. Valideynlər ortaya çıxan münaqişələrə nə qədər çox müdaxilə etsələr, uşaqların problemin öhdəsindən gəlmək bacarıqlarının inkişafına o qədər çox mane olurlar.

Fiziki zərər vermədikləri və bir-birlərinin hüquqlarından sui-istifadə etmədikləri müddətdə, valideynlər müdaxilə etməməli və haqsız və haqlı arasında fərq qoymamalıdırlar.

Övladlarınıza ev vəzifələri verin və bunun üçün onları tərifləyin.

Bir övladınızın əşyalarını iznsiz digər övladınıza verməyin.

Valideynlərin üzərinə böyük yük düşür. Məsələn, ana uşağını əmizdirərkən, ata böyük uşağa baxmalı və çatışmazlıqlarını aradan qaldırmalıdır.