Çin ABŞ-ın orta mənzilli raketlərinin Filippində yerləşdirilməsinə qarşı çıxıb

Çin Silahlı Qüvvələri ABŞ Silahlı Qüvvələrinin Filippində hərbi təlim bəhanəsi ilə orta mənzilli raketlərin yerləşdirilməsinə qarşı çıxır.

AZƏRTAC xarici mediaya istinadla xəbər verir ki, bunu ÇXR-in müdafiə naziri Dun Çzyun Pentaqon rəhbəri Lloyd Ostin ilə Sinqapurun "Şangri-La dialoqu" Təhlükəsizlik Forumu çərçivəsində danışıqlarda bildirib.

"Hazırda Filippin Jenay rifi (Tomasın ikinci dayaz yeri) və digər məsələlər üzrə öhdəliklərini pozur, həmçinin xarici qüvvələrin təhriki ilə sıx bağlı olan təxribatlar həyata keçirirlər. Bu, xüsusilə ABŞ-ın hərbi təlimlər adı altında Filippində orta mənzilli raketlərin yerləşdirilməsinə aiddir. Bu, regionda təhlükəsizlik memarlığına ciddi təhlükə yaradır. Çin bununla bağlı qəti etirazını bildirir", - deyə Çin Mərkəzi Televiziyası onun sözlərindən sitat gətirib.

Mənbə: AZƏRTAC