Çin və ABŞ-nin müdafiə nazirləri Sinqapurda görüşəcəklər

Çin və ABŞ-nin müdafiə nazirləri Sinqapurda görüşəcəklər

Çinin müdafiə naziri Don Cün ABŞ-dən olan həmkarı Lloyd Ostinlə görüşəcək.

AZƏRTAC xarici mediaya istinadla xəbər verir ki, görüşün mayın 31-də Sinqapurda işə başlayacaq Şanqri-La Təhlükəsizlik Dialoqu çərçivəsində baş tutacaq. Bu, Çin və ABŞ müdafiə nazirlərinin 2022-ci ilin noyabrından sonra ilk görüşü olmaqla yanaşı, həm də Don Cünün nazir vəzifəsində ABŞ-dən olan həmkarı ilə birinci üzbəüz dialoqu olacaq. Ötən ay iki ölkənin müdafiə nazirlərinin videokonfrans formatında görüşü olub.

Çin ilə ABŞ-nin müdafiə nazirləri arasında dialoqun yaradılması barədə razılıq iki ölkənin dövlət başçılarının ötən noyabrda San-Fransisko şəhərində keçirilmiş görüşündə əldə olunub.

Ekspertlərin proqnozuna görə, nazirlər Tayvan və Cənubi Çin dənizi mövzularını müzakirə edəcəklər.

Qeyd edək ki, Çin Xalq Azadlıq Ordusu (ÇXAO) Tayvan boğazında və Tayvan adasının ətrafında ikigünlük irimiqyaslı hərbi təlimlər keçirib. Rəsmi Pekin quru, hərbi hava, hərbi dəniz və raket qoşunlarının cəlb olunduğu “Birgə qılınc-2024A” kod adlı təlimin “Tayvanın müstəqilliyi” separatçı fəaliyyətinə, habelə Çinin daxili işlərinə müdaxilə etmək və təxribat törətmək istəyən xarici qüvvələrə sərt cavab olduğunu bəyan edib.

Tayvan məsələsi Çin-ABŞ münasibətlərinin ən həssas məqamıdır. Rəsmi Pekin Tayvan mövzusunu Çin və Birləşmiş Ştatlar arasındakı münasibətlərdə keçilə bilməyən əsas qırmızı xətt hesab edir. Çin ABŞ-dan Tayvanın “müstəqilliyini” dəstəkləməməyi və adanı silahlandırmamağı tələb edir. Vaşinqton Tayvanı müstəqil dövlət kimi tanımasa da, adaya siyasi dəstək göstərir. ABŞ dövlət katibi Entoni Blinken Tayvandakı separatçı qurumun yeni rəhbəri Lay Çinq-Teni səlahiyyətlərinin icrasına başlaması münasibəti ilə təbrik etməsi bu dəstəyin gösrtəricisidir. 2022-ci ildə isə ABŞ Nümayəndələr Palatasının rəhbəri Nensi Pelosinin Çinin etirazına baxmayaraq Tayvana səfər etməsi gərginliyi pik həddə qaldırmışdı.

Vaşinqton bundan başqa, Tayvan adasına davamlı silah tədarük edir ki, bu da rəsmi Pekinin narazılığına səbəb olur.

Şahin Cəfərov

Pekin

Mənbə: AZƏRTAC

Məqaləyə emosiya bildir:
22 gün əvvəl
421 dəfə oxundu
ilk.az-çılar nə deyir?
Fikirlər (0)
Oxşar yazılar
Şuşada bayram namazı qılınıb
İşğaldan azad olunmuş Şuşa şəhərində Qurban bayramı ilə əlaqədar bayramı namazı...
  • 18 dəq. əvvəl
  • 6
Samuxda yabanı halda bitən 3 tondan çox çətənə məhv edilib
Samuxda yabanı halda bitən 3 ton 100 kq çətənə bitkisi məhv edilib.ILK.AZ Azərtac-a...
  • 1 saat əvvəl
  • 23
Sunak: Ukraynada sülh Kiyev üçün məqbul şərtlərlə bərqərar edilməlidir
“Ukraynada “davamlı sülh”ün bərqərar olması Kiyev üçün məqbul şərtlərlə baş...
  • 2 saat əvvəl
  • 31
Tramp: ABŞ üçüncü dünya müharibəsi riskindən xilas olmalıdır
“Amerika Birləşmiş Ştatları yeni qlobal silahlı münaqişəyə cəlb olunmaq riski...
  • 3 saat əvvəl
  • 40
TDT: geosiyasi reallıqlar və qlobal kataklizmlər fonunda yeni strateji hədəflərə doğru
Xəbər verdiyimiz kimi, iyunun 15-də Yeni Azərbaycan Partiyasının (YAP) təşkilatçılığı...
  • 6 saat əvvəl
  • 54
15 iyun tariximizin ən parlaq səhifələrindən biridir
15 İyun - Milli Qurtuluş Günü Ümummilli Liderin adı il bağlı olan tarixi gündür....
  • 7 saat əvvəl
  • 55