D vitamini çatışmazlığı, riskləri və müalicəsi
Günəşdən kənarda qalırsınızsa, süd məhsullarına alerjiniz varsa və vegeteriynsınızsa, D vitamini çatışmazlığı yarana bilər. D vitamini günəş işığına məruz qaldıqda bədəninizdə əmələ gəlir. D vitamini təbii olaraq çox az qidanın tərkibində var (bəzi balıq növləri, balıq yağları və yumurta sarısı, zənginləşdirilmiş süd məhsulları, dənli bitkilər).
Mineralizasiya edilə bilməməsi səbəbindən sümük toxumasının struktur pozğunluğu ilə xarakterizə olunan raxitlə əlaqələndirilir. Bununla yanaşı, araşdırmalar göstərir ki, D vitamini çatışmazlığı digər bir çox problemə səbəb ola bilər.
D vitamini çatışmazlığı simptomları və riskləri
Sümük ağrısı və əzələ zəifliyi D vitamini çatışmazlığının əlamətləri ola bilər. Ancaq bir çox insanda bu simptomlar qeyri-müəyyəndir. Qanda D vitaminin az olması bu problemlərə səbəb ola bilər:
Ürək-damar xəstəliklərindən ölüm riskinin artması,
Uşaqlarda ağır astma
Xərçəng
Araşdırmalar D vitamininin tip 1 və 2 diabet, yüksək qan təzyiqi, qlükoza dözümsüzlüyü və dağınıq skleroz kimi bir sıra fərqli xəstəliklərin qarşısını almaqda təsirli olduğunu göstərir.
D vitamini çatışmazlığının səbəbləri
Zamanla tövsiyə olunan miqdarda D vitamini istehlak etməmək: Bu səbəb xüsusilə vegeterianlar arasında geniş yayılıb. Balıq və balıq yağları, yumurta sarısı, pendir, süd və mal əti kimi heyvan məhsulları D vitamininin təbii mənbəyidir.
Günəş işığından məhrum olmaq: Bədən yalnız günəş şüaları altında D vitamini istehsal edə bilər. Evdən tez-tez çıxmayanlar, şimal ölkələrində yaşayanlar və günəşlə təmasda olmayanlar D vitamini çatışmazlığı riski ilə üz-üzədirlər.
Tünd dəri: Melanin piqmenti günəş işığına məruz qaldıqda bədənin D vitamini istehsal etmə qabiliyyətini azaldır. Bəzi tədqiqatlar tünd dərili və yaşlı insanların D vitamini çatışmazlığına daha çox meylli olduqlarını göstərir.
Böyrəklərin D vitaminini aktivləşdirə bilməməsi: İnsanlar yaşlandıqca böyrəklərin D vitamini aktivləşdirmə qabiliyyəti azalır. Bu, D vitamini çatışmazlığı ehtimalını artırır. Böyrək çatışmazlığı, ferment çatışmazlığı və bəzi anadangəlmə xəstəliklər sintez pozğunluqlarına səbəb ola bilər.
Həzm sisteminin D vitamini qəbul edə bilməməsi: Crohn xəstəliyi, kistik fibroz və çölyak kimi bəzi xəstəliklər bağırsağın qidadan D vitamini qəbul etmə qabiliyyətini azalda bilər. D vitamini yağda həll olunan bir vitamin olduğundan, malabsorbsiya D vitamininin emilimini azalda bilər.
Piylənmə:
Bədən kütləsi indeksi 30 və yuxarı olan insanların qanında D vitamini azdır. D vitamini çatışmazlığı ilə piylənmə arasında güclü əlaqələr mövcuddur.
D vitamini çatışmazlığı testləri nələrdir?
Bədəndə D vitamininin nə qədər olduğunu ölçməyin yolu 25 hidroksi D vitamini (25-OH Vitamin D) testidir. D vitamini və bununla əlaqəli problemlərin müəyyənləşdirilməsində də çox faydalıdır. Sağlam insanlarda 20 nanoqram / mililitr ilə 50 ng / ml D vitamini olmalıdır. 12 ng / ml-dən aşağı olması D vitamini çatışmazlığını göstərir.
D vitamini çatışmazlığının müalicəsi
D vitamini çatışmazlığının müalicəsində qidalanma və əlavə tədbirlər görülür. 1-70 yaş arası insanlar gündəlik 600 IU-ya, 70 yaşdan yuxarı olanlar 800 IU-ya ehtiyac duyurlar.
XƏBƏRDARLIQ!
Məqalədə yer alan yazılar və şəkillər müxtəlif mənbələrdən toplanmışdır və məlumat, nümunə xarakter daşımaqdadır. Qəti bir diaqnoz və müalicə keyfiyyəti yoxdur. Hər hansı bir sağlamlıq probleminiz varsa həkiminizlə məsləhətləşin. Unutmayın, sağlamlıq problemlərində tətbiq olunan müalicə üsulları şəxslərin bioloji, irsi xüsusiyyətləri, yaş, boy, çəki fərqlərinə, allergik cəhətlərinə və onlarla belə fərqli vəziyyətə görə dəyişə bilər. Yalnız həkiminiz sağlamlıq problemlərinizin müalicəsində sizə kömək edə bilər.
Vitaminlər haqqında məqaləmiz:
Məqaləyə emosiya bildir:
4532 dəfə oxundu
ilk.az-çılar nə deyir?
Fikirlər (0)