![Dövlət Komitəsinin nümayəndə heyəti bir sıra Türkiyədə görüşlər keçirib](/uploads/news-thumbs-900x600/dovlet-komitesinin-numayende-heyeti-bir-sira-turkiyede-gorusler-kecirib.jpeg)
Dövlət Komitəsinin nümayəndə heyəti bir sıra Türkiyədə görüşlər keçirib
Türkiyə Respublikasında səfərdə olan Dini Qurumlarla İş üzrə Dövlət Komitəsinin sədri Ramin Məmmədov Türkiyənin Diyanət İşləri İdarəsinin sədri Ali Erbaş ilə görüşüb.
Dövlət Komitəsindən bildirilib ki, görüşdə ölkələrimiz arasında qardaşlıq və dostluq əlaqələrinin bütün sahələrdə uğurla inkişaf etdiyi məmnunluqla vurğulanıb.
Bildirilib ki, Azərbaycanla Türkiyə arasında digər istiqamətlərdə olduğu kimi, din sahəsində də əməkdaşlıq yüksək səviyyədə qurulub və hər iki tərəf bu əlaqələrin dərinləşdirilməsində, dini məsələlərin tənzimlənməsi ilə bağlı təcrübə mübadiləsinin genişləndirilməsində maraqlıdır.
Sonra Ramin Məmmədovun rəhbərlik etdiyi nümayəndə heyəti Türkiyənin Diyanət Akademiyası və Diyanət Vəqfində olub.
Diyanət Akademiyasının sədri Enver Osman Kaan ilə görüşdə Ramin Məmmədov xalqlarımız arasındakı tarix boyu formalaşmış möhkəm təməllərə əsaslanan qardaşlıq münasibətlərinə diqqət çəkib. Qardaş ölkələrin dini-mənəvi sahədə əməkdaşlığının önəminin vurğulandığı görüşdə Dini Qurumlarla İş üzrə Dövlət Komitəsi ilə Türkiyənin Diyanət İşləri İdarəsi arasında əlaqələrin inkişaf etdirilməsinin vacib olduğu bildirilib.
Səfərdə nümayəndə heyətini Azərbaycanın Türkiyədəki səfiri Rəşad Məmmədov müşayiət edir.
Mənbə: AZƏRTAC
Məqaləyə emosiya bildir:
482 dəfə oxundu
ilk.az-çılar nə deyir?
Fikirlər (0)