Dünya Robot Çempionatının iştirakçıları: Hindistandakı yarış üçün daha güclü iş ortaya qoymalıyıq  REPORTAJ

Dünya Robot Çempionatının iştirakçıları: Hindistandakı yarış üçün daha güclü iş ortaya qoymalıyıq REPORTAJ

Sənaye və İnnovasiyalar üzrə Bakı Dövlət Peşə Təhsil Mərkəzinin komandası Dünya Robot Çempionatının (WRC) Azərbaycan üzrə keçirilən finalında “Botscombat” (robotların qaydasız döyüşü) kateqoriyası üzrə 3-cü yeri tutaraq Hindistanda keçiriləcək dünya çempionatına vəsiqə qazanıb.

AZƏRTAC-ın əməkdaşı qələbə qazanan komandanın iştirakçıları ilə söhbətləşib.

Yarışda iştirak edən hər komandanın 5 üzvü olur. Komandanın üzvü olan Amal Babazadə Sənaye və İnnovasiyalar üzrə Bakı Dövlət Peşə Təhsil Mərkəzinin mexanika mühəndisliyi üzrə müəllimdir.

Layihə üzərində 3 aya yaxın müddətdə çalışdıqlarını deyən Amal belə yarışın Azərbaycanda ilk dəfə keçirildiyini söyləyib. Deyir ki, yarışda iştirak üçün robotun ağırlığı 15 kilonu, həcmi 1 metri keçməməlidir. Həmçinin təhlükəsizlik məqsədilə bəzi silahlardan (yandırıcı, deşici, iti, uzaqdan atılan) istifadə etmək olmaz. Komandanın iştirakçıları arasında müəllimlərlə yanaşı, II və III kurs tələbələri də yer alıb.

“İndastry Tank” adlı döyüş robotu ilə təmsil olunduq. Layihəyə hazırlaşanda müxtəlif sınaqlar, testlər apardıq. Yarışları izləyib, onların robotlarına baxaraq, öz fikirlərimizi ortaya qoyaraq bu robotu ərsəyə gətirdik. Hindistan Prezidenti Draupadi Murmu yarışda robotumuza baxdı, dünya səviyyəli olduğunu dedi, müsbət rəyini bildirdi. Avqust aylarında növbəti yarış Hindistanda olacaq. Həmin yarışda daha böyük və daha ağır robotlar iştirak etməlidir. Kiçik robotlar ora üçün əlverişli deyil”.

Komandanın digər üzvü Rəhman Həsənov da mexanika mühəndisliyi üzrə müəllimdir. Rəhman deyir ki, ən maraqlı robot döyüşü I yerin qalibi ilə olub. Müsabiqə barədə məlumat verən həmsöhbətim ilk 3 yerin qalibinin Hindistanda iştirak etməyə vəsiqə qazandığını deyir: “Bu yarışda I yerin qalibi mükafatlandırılır və onların bütün xərcləri layihə sponsorları tərəfindən ödənilir. Digər komandalar xərclərini özləri qarşılayır. Hazırlıqlara başlayırıq, Hindistandakı yarış üçün daha güclü iş ortaya qoymalıyıq”.

Təhsil müəssisəsini yarışda iki komanda təmsil edib. Hüseyn Qəmbərov da digər komandanın üzvüdür. O, həm də elektronika ixtisası üzrə fənn müəllimidir. Deyir ki, komandaları texniki səbəbdən yarışın birinci mərhələsində məğlub olub: “Bizim robotun çəkisi 14 kilodur, 2 aya hazırladıq. Robotun elektron hissəsində nasazlıq yarandı və ilk yarışda məğlub olduq. Komandamızda III kursda təhsil alan yüksək texniki peşə tələbələri yer alırdı. Onlar daha əvvəl Türkiyədə keçirilən “TEKNOFEST”də iştirak ediblər”.

Qeyd edək ki, Dünya Robot Çempionatı AREA - Azərbaycan Robotexnika Mühəndislik Akademiyasının rəsmi təşkilatçılığı və Gənclər və İdman Nazirliyi və Rəqəmsal İnkişaf və Nəqliyyat Nazirliyinin dəstəyi ilə keçirilən beynəlxalq yarışmadır. Yarışda “Innovation contest”, ”WRC Botscombat”, “WRC Rc Craft”, “WRC Drone”, “WRC Robosoccer” olmaqla 5 kateqoriya üzrə 8-30 yaş arası uşaq və gənclər mübarizə aparırlar.

Yarışmanın beynəlxalq mərhələsi Hindistanın paytaxtı Yeni Dehlidə keçiriləcək.

Mənbə: AZƏRTAC

Məqaləyə emosiya bildir:
7 gün əvvəl
366 dəfə oxundu
ilk.az-çılar nə deyir?
Fikirlər (0)
Oxşar yazılar
DİN: Dünən ölkə ərazisində 105 kiloqrama yaxın narkotik aşkarlanıb
Polis əməkdaşlarının keçirdikləri əməliyyat tədbirləri ilə iyunun 18-də ümumi...
  • 19 dəq. əvvəl
  • 6
Rusiya Prezidenti ilə KXDR liderinin görüşü başlayıb
İyunun 19-da Koreya Xalq Demokratik Respublikasının (KXDR) paytaxtı Pxenyanda ölkə lideri Kim...
  • 1 saat əvvəl
  • 17
ABŞ-də 500 min miqrant vətəndaşlıq ala bilər
ABŞ prezidenti yüz minlərlə qanunsuz miqranta vətəndaşlıq hüququ verməklə bağlı...
  • 2 saat əvvəl
  • 28
Çadın əsas silah anbarında şiddətli partlayış baş verib
Çad Respublikasının paytaxtı N'Djamena şəhəri yaxınlığındakı silah anbarında yanğın...
  • 2 saat əvvəl
  • 29
İsveç parlamenti ABŞ ilə müdafiə sazişini təsdiqləyib
İsveç parlamenti ABŞ ilə 2023-cü ildə imzalanan müdafiə sazişini təsdiqləyib.ILK.AZ...
  • 4 saat əvvəl
  • 40
İnsan orqanizmi kosmik uçuşdan sonra özünü tam bərpa edir
Sümük kütləsinin azalması, böyrək və ürəklə bağlı problemlər və s. Kosmik uçuş...
  • 5 saat əvvəl
  • 48