Dünyanın ən böyük kitabxanaları

Kitabxanalar insanların axtardıqları hər şeyi asanlıqla tapa biləcəyi məlumat anbarlarıdır. Yəqin ki, hər kəs həyatında ən azı bir dəfə kitabxanada olub. Dünyada minlərlə kitabxana var. Lakin elə kitabxanalar var ki, onlar insanları təkcə təqdim etdikləri imkanlarla deyil, həm də xarici görünüşü ilə heyran edir. Həmin kitabxanaları təqdim edirik.

1. Konqres kitabxanası

Konqres kitabxanası

ABŞ-ın paytaxtı Vaşinqtonda yerləşən Konqres kitabxanası gözəl mənzərəsi ilə hər il çoxlu yerli və xarici ziyarətçilərin diqqətini cəlb edir. Kitabxanada yüzlərlə dildə milyonlarla kitab, minlərlə əlyazma, sənəd və xəritə var.

2. Trinity Kolleci kitabxanası

Trinity Kolleci kitabxanası

İrlandiyanın ən tarixi mədəniyyət mərkəzlərindən biri olan bu kitabxana 1592-ci ildə Dublində yaradılıb. Kitabxananın ecazkar görünüşü görənləri heyran edir. 200 mindən çox tarixi kitabdan ibarət kitabxanada müxtəlif dillərdə yaradılmış minlərlə əsər sərgilənir.

3. Kaliforniya Universitetinin kitabxanası

Kaliforniya Universitetinin kitabxanası

ABŞ-ın əsas ştatlarından biri olan Kaliforniyada yerləşən bu bina dünyanın ən yaxşı texnoloji avadanlıqlara malik kitabxanalarından biridir. İnsanlar ilk baxışdan binanın gəmiyə bənzədiyini düşünürlər. Kitabxana 1970-ci ildə açılıb.

4. Delft Universitetinin Texnologiya kitabxanası

Delft Universitetinin Texnologiya kitabxanası

Hollandiyada yerləşən bu kitabxana təxminən 20 il əvvəl açılıb. Kitabxanada 900 minə yaxın kitab, 15 mindən artıq jurnal və bir muzey var. Kitabxananın böyüklüyü və görünüşü ziyarətçiləri heyrətə gətirir.

5. İsgəndəriyyə kitabxanası

İsgəndəriyyə kitabxanası

Bu məşhur kitabxana Misirin İsgəndəriyyə şəhərində yaradılıb. Makedoniyalı İsgəndərin tikdirdiyi bu kitabxananın 2200-2300 illik tarixi var. 10 illik restavrasiya işlərindən sonra yenidən əvvəlki vəziyyətinə qaytarılıb.

6. Ştutqart şəhər kitabxanası

Ştutqart şəhər kitabxanası

Almaniyanın ən prestijli kitabxanası sayılan bu binanın çox maraqlı görünüşü var. Bina romalıların məbədlərini xatırladır. Kitabxananın forması “ürək” şəklindədir.

7. Bişan xalq kitabxanası

Bişan xalq kitabxanası

Sinqapurda yerləşən bu xalq kitabxanası təxminən 4000 kvadratmetr ərazini əhatə edir. Binanı fərqli edən elementlərdən biri də onun hər yerinin şüşə ilə örtülməsidir.

Məqaləyə emosiya bildir:
emotion
8
emotion
0
emotion
0
emotion
1
emotion
1
emotion
0
emotion
0
Dostlarınla paylaş:
9 ay əvvəl
1822 dəfə oxundu
ilk.az-çılar nə deyir?