Əlixan növbəti filmini izləyiciləri ilə paylaşdı. Bakılının gündəliyi 3 - Yadigar

Tanınmış videoblogger Əlixan Rəcəbov Youtube üçün hazırladığı "Bakılının gündəliyi" filminin 3-cü hissəsini də izləyiciləri üçün paylaşıb. Bu səfərki mövzu - Yadigar!

Filmin baş qəhrəmanı Əliağa atasından yadigar qalmış bağ evini sataraq borclarını qaytarmaq istəyir. Lakin müəyyən əngəllər yaranır. Bu əngəllər Əliağa üçün gözləniləndir, çünki evi sata bilməsi üçün bibilərinin və əmisinin icazəsi lazımdır.

Filmdə izləyicilərə aşılanan məsələ odurki, yadigar ev satılmaz. Sosial şəbəkələrdə film haqqında müsbət fikirlərlə yanaşı mənfi fikirlər də yazılırdı, lakin bununla belə film Youtube kanalına ilk yüklənən andan bəri kifayət qədər izlənilib.

Rollarda: Əlixan Rəcəbov, Bəhram Bağırzadə, Səidə Quliyeva, Sənubər İsgəndərli, Şamil Süleymanlı, Qorqud Cəfər, Cavid Nəsrullah, İbrahim Heydərov

Ssenari müəllifi və rejissor: Əlixan Rəcəbov

Buyurun filmi izləyə bilərsiniz. Fikirlərinizi bölüşməyi unutmayın.