Erol Özvar: Türk dövlətləri universitetləri arasında tanınma problemini həll edəcək vahid qurum yaradılacaq

Erol Özvar: Türk dövlətləri universitetləri arasında tanınma problemini həll edəcək vahid qurum yaradılacaq

Türk dövlətləri universitetləri arasında tanınma problemini həll edəcək vahid qurum yaradılacaq.

ILK.AZ Azərtac-a istinadən xəbər verir ki, bunu jurnalistlərə açıqlamasında Türkiyənin Ali Təhsil Şurasının sədri Erol Özvar deyib. O bildirib ki, Türk Dövlətləri Təşkilatı Təhsil Nazirlərinin VIII İclasında konkret təkliflər irəli sürülüb və bu təkliflər üzv dövlətlərinin gündəmə gətirdiyi məsələlərdir: “Bu təkliflərdən birincisi Türk Dövlətləri Təşkilatına üzv ölkələrin akademik məlumat bazasının yaradılmasıdır. Bu təklif ali təhsil müəssisələrinin məlumatlarının vahid mərkəzdə toplanmasını ehtiva edir. Beləliklə, üzv dövlətlər universitetlər haqqında dəqiq məlumatları əldə edə biləcəklər”.

Erol Özvar bildirib ki, universitetlərin uyğunlaşdırma və tanınma prosedurları ilə məşğul olacaq ortaq bir qurumun yaradılması təklif edilib: “Türk dünyasında universitetlər arasında birgə fəaliyyətlər mövcuddur. Tələbə aktivliyi də yüksək səviyyədədir. Lakin universitetlərin tanınması ilə bağlı ciddi problemlər var. Bu problemləri həll edəcək bir qurumun yaradılması fikrini nazirlərlə birlikdə dəyərləndirdik. Üzv dövlətlərin hər birini təmsil edən nümayəndələr bu fikri müsbət qarşıladılar”.

Türkiyənin Ali Təhsil Şurasının sədri qeyd edib ki, Türk Dövlətləri Təşkilatına (TDT) üzv olan dövlətlərin qəbul edəcəyi keyfiyyət təminatı agentliyinin olması vacibdir: “Biz də türk dövlətləri olaraq keyfiyyət təminatının ümumi standartlarını müəyyən etməliyik. Bununla bağlı fəaliyyət göstərəcək agentliyin qurulması barədə fikrə bütün nümayəndələr müsbət rəy veriblər. Yekun qərara görə, bu təkliflərin həyata keçirilməsi üçün komissiyalar yaradılacaq və komissiyanın son rəyi ölkə rəhbərliklərinə aidiyyəti üzrə təqdim ediləcək”.

Mənbə: AZƏRTAC

Məqaləyə emosiya bildir:
15 gün əvvəl
376 dəfə oxundu
ilk.az-çılar nə deyir?
Fikirlər (0)
Oxşar yazılar
Firəngiz Əlizadə “Üzbəüz” layihəsinin qonağı olub
Fikrət Əmirov adına Gəncə Dövlət Filarmoniyasının təqdim etdiyi “Üzbəüz”...
  • 3 dəq. əvvəl
  • 3
Avro-2024: İngiltərə Serbiyanı minimal hesabla məğlub edib
Almaniyada keçirilən futbol üzrə XVII Avropa çempionatının C qrupunda ilk tura yekun...
  • 1 saat əvvəl
  • 21
MDU-da “Azərbaycanın COP29-a sədirliyi qlobal şimal və cənub arasında körpüdür” mövzusunda dəyirmi masa keçirilib
Mingəçevir Dövlət Universitetinin (MDU) Fizika və ekologiya kafedrasının...
  • 1 saat əvvəl
  • 17
"Nero" rəqs studiyasının hesabat konserti keçirilib
İyunun 16-da Bakı Musiqi Akademiyasının nəzdində fəaliyyət göstərən Opera Studiyasında...
  • 3 saat əvvəl
  • 37
Avro-2024: Danimarka qələbə hesabını qoruya bilməyib
Almaniyada təşkil olunan futbol üzrə Avropa çempionatında növbəti oyun keçirilib.ILK.AZ...
  • 4 saat əvvəl
  • 43
Azərbaycan Paris Olimpiadasına növbəti lisenziyanı qazanıb
Azərbaycan "Paris - 2024" Yay Olimpiya Oyunlarına daha bir lisenziya qazanıb.ILK.AZ Azərtac-a...
  • 4 saat əvvəl
  • 43