ETSN: Çaylarda suyun səviyyəsi izlənilir
Qonşu ölkələrin ərazisinə yağan intensiv yağışlar nəticəsində mayın 26-da Debed və Kür çayında suyun səviyyəsi kəskin artıb. Hazırda da Debed çayında sel davam edir.
Bu barədə Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətinin Hidrologiya mərkəzinin direktoru Asif Verdiyev məlumat verib.
O qeyd edib ki, Kür çayının Ağstafa rayonu ərazisində Qıraqkəsəmən avtomat hidroloji məntəqəsində mayın 26-da suyun səviyyəsi dünən ilə müqayisədə 152 santimetr artıb və hazırda da səviyyənin artımı davam edir.
Avtomat stansiya vasitəsilə Kürdə suyun səviyyəsinin izlənildiyini və nəzarətdə saxlanıldığını bildirən Asif Verdiyev deyib: “Səviyyənin artımının mayın 27-də də davam edəcəyi gözlənilir”.
Yaranmış vəziyyətlə əlaqədar Qazax, Tovuz və Ağstafa rayonlarının ərazisində yaşayan əhalinin diqqətli olmaları və çayın sahilindən kənar durmaları xahiş olunur.
Mənbə: AZƏRTAC
Məqaləyə emosiya bildir:
2 ay əvvəl
462 dəfə oxundu
462 dəfə oxundu
ilk.az-çılar nə deyir?
Fikirlər (0)