Fransa Kaledoniyada baş verənləri Azərbaycanın adına yazmaqla dünya ictimaiyyətində çaşqınlıq yaradır  ŞƏRH

Fransa Kaledoniyada baş verənləri Azərbaycanın adına yazmaqla dünya ictimaiyyətində çaşqınlıq yaradır ŞƏRH

XXI əsrdə insan hüquqlarının fundamental dəyərlərə çevrildiyi bir zamanda bu hüquqları öz ambisiyaları və imperialist xisləti ilə boğmağa çalışan ölkələrin olması dünya ictimaiyyətində təəssüf doğurur. Hazırda belə ölkələrin başında özünü humanizm, demokratiya, plüralizm və insan hüquqlarının carçısı kimi tanıtmağa çalışan Fransa dayanır. Dövlətçilik tarixində siyasi inqilablara bir-birinin ardınca şahidlik edən, 5 dəfə respublika idarəetmə forması bərqərar olunan Fransa cəmiyyəti hələ də öz keçmiş imperialist buxovlarından və müstəmləkə siyasətindən yaxa qurtara bilmir. Bunun nəticəsidir ki, Fransa yeni dövrün "neokolonializm" cərəyanının ən bariz nümayəndəsi kimi dünyada mənfi imic formalaşdırıb.

Bu sözləri politoloq Amid Əliyev söyləyib.

O qeyd edib ki, Aralıq dənizindəki Korsika adasından tutmuş Afrikadakı bəzi ölkələri hələ də öz siyasi istibdadında saxlayan Fransa hər vəchlə yerli əhalini siyasi idarəetmədən kənar tutmağa, onların insan hüquqlarından istifadəsini məhdudlaşdırmağa və azadlığını boğmağa çalışır.

İllərdir ki, Korsika əhalisi öz ana dilində danışa, mətbuat orqanlarından yararlana və seçkilərdə namizədlər təqdim edə bilmir, bütün bunlar azmış kimi Fransanın müstəmləkə siyasəti altında da əzilir. Artıq yeni dünya nizamında Fransa kimi kolonialist siyasət yürüdən ölkələrin buxovlarından qurtulmağa çalışan dövlətlərdə insanların özünüdərki və siyasi oyanışı baş verir. Afrikanın bəzi ölkələrində fransız dilindən imtina, fransız diplomatların “persona-non-grata” elan edilməsi və müstəqillik uğrunda çıxışlar geniş vüsət almağa başlayıb. Bunun ən bariz nümunəsi isə son günlərdə Yeni Kaledoniyada kanaki xalqının öz hüquqları uğrunda mübarizəyə qalxması fonunda daha çox diqqət cəlb edir. Bu, kanaki xalqının özünün siyasi hüquqları uğrunda apardığı milli azadlıq mübarizəsidir.

“Afrika qitəsində başlamış anti-Fransa çıxışlarının, etirazlarının kökündə Fransa dövlətinin antihumanist və kolonialist siyasəti dayanır. Sürətlə inkişaf edən texnoloji dünyada millətlər və xalqlar boyunduruq altında yaşmağa yox, müstəqil dövlət kimi mövcudiyyətlərini bərqərar etməkdə israrlıdırlar. Bu, onların ümumbəşəri insan hüquqları uğurundakı mübarizəsidir. Baş verən bu cür hadisələr fonunda Fransa hakimiyyəti günahı nədənsə özündə yox, kənarda axtarmağa daha həvəslidir. Ona görə də rəsmi Paris Yeni Kaledoniyada baş verənləri Azərbaycanın adına yazmaqla dünya ictimaiyyətində çaşqınlıq yaradır”, - deyə politoloq bildirib.

Azərbaycanın heç bir zaman hansısa dövlətə qarşı nə açıq, nə də gizli şəkildə pərdələnmiş milli zəminli siyasət aparmadığını vurğulayan Amid Əliyev əlavə edib: “Əksinə 30 il ərzində Azərbaycan dövləti və xalqı bu cür siyasətin qurbanı olub. İndi isə Fransa kimi şovinizmi, qeyri-insani davranışları təşviq edən bir dövlət öz cinayətlərini Azərbaycan adı altında gizlətməyə çalışır. Lakin yaddan çıxarmaq lazım deyil ki, bu gün Azərbaycan nəinki Cənubi Qafqazda, eləcə də bölgədən kənarda belə sülhün qorunmasının və dünyanın müxtəlif yerlərində baş verən münaqişələrin yeganə həlli yolunun məhz danışıqlar vasitəsilə olunmasının tərəfdarıdır. Qoşulmama Hərəkatı çərçivəsində bir sıra ehtiyacı olan dövlətlərə yardımların göndərilməsi də məhz Azərbaycanın təşəbbüsü vasitəsilə həyata keçirildi. Bütün bu faktlar qarşısında Fransanın Azərbaycana qarşı apardığı qara PR kampaniyası yalnız və yalnız acizlik əlaməti kimi qiymətləndirilə bilər”.

Mənbə: AZƏRTAC

Məqaləyə emosiya bildir:
1 ay əvvəl
440 dəfə oxundu
ilk.az-çılar nə deyir?
Fikirlər (0)
Oxşar yazılar
Bu gün Xalq artisti Möhsün Sənaninin doğum günüdür
Həyatının 50 ilini Azərbaycan teatr sənətinə həsr edən Möhsün Sənani səhnəmizin...
  • 1 saat əvvəl
  • 15
DİN: Dünən ölkə ərazisində 105 kiloqrama yaxın narkotik aşkarlanıb
Polis əməkdaşlarının keçirdikləri əməliyyat tədbirləri ilə iyunun 18-də ümumi...
  • 1 saat əvvəl
  • 18
Rusiya Prezidenti ilə KXDR liderinin görüşü başlayıb
İyunun 19-da Koreya Xalq Demokratik Respublikasının (KXDR) paytaxtı Pxenyanda ölkə lideri Kim...
  • 2 saat əvvəl
  • 23
ABŞ-də 500 min miqrant vətəndaşlıq ala bilər
ABŞ prezidenti yüz minlərlə qanunsuz miqranta vətəndaşlıq hüququ verməklə bağlı...
  • 3 saat əvvəl
  • 34
Çadın əsas silah anbarında şiddətli partlayış baş verib
Çad Respublikasının paytaxtı N'Djamena şəhəri yaxınlığındakı silah anbarında yanğın...
  • 4 saat əvvəl
  • 35
İsveç parlamenti ABŞ ilə müdafiə sazişini təsdiqləyib
İsveç parlamenti ABŞ ilə 2023-cü ildə imzalanan müdafiə sazişini təsdiqləyib.ILK.AZ...
  • 5 saat əvvəl
  • 45