"Google Fotolar" yeni rekorda imza atdı

Google Photos, Google tərəfindən bir foto, video paylaşma və saxlama xidmətidir. May 2015-da elan edildi. "Google Fotolar" tətbiqi süni intellektin gücündən yararlanaraq istifadəçilərə sonsuz foto və video saxlama imkanı təqdim etməklə bütün rəqiblərini qabaqlayır.

2015-ci ildə reallaşdırılan tətbiq ilk 5 ay ərzində 100 milyon istifadəçi qazandı. İki il ərzində istifadəçi sayı 500 milyona çatdı.

"Google Fotolar" istifadəçi sayı 1 milyardı keçdi!

"Android" əməliyyat sistemi ilə çalışan cihazlarda istifadə olunan tətbiq 1 milyard istifadəçi topladı. Bunun əsas səbəblərindən biri də tətbiqin cihazlara yüklənməsinin sadəliyidir.

Beləliklə, "Android", "Gmail", "YouTube", "Google Maps" kimi tətbiqlərin ardından 1 milyard həddini keçən doqquzuncu "Google" tətbiqi "Fotolar" oldu. Son günlərdə isə "Google Gallery Go" tətbiqi təqdim olundu.

"Google Fotolar"-dan fərqli olaraq offlayn çalışan və "Fotolar"da olan bir çox özəlliyi özündə ehtiva edən "Gallery Go" tətbiqi yalnız 10 MB ölçüsündədir.