“İstəyirik ətraf gözəlliklə dolu olsun” – Qusarda tingçilik təsərrüfatından reportaj  FOTO

“İstəyirik ətraf gözəlliklə dolu olsun” – Qusarda tingçilik təsərrüfatından reportaj FOTO

Qusarda yeni fəaliyyətə başlayan tingçilik təsərrüfatında 200-dən çox dekorativ bitki, gül və ağac növləri yetişdirilir.

ILK.AZ Azərtac-a istinadən xəbər verir ki, Langu kəndi ərazisində yaradılan təsərrüfatda plastik qablaşdırma və intensiv bağçılıq məhsullarının istehsalı və satışı həyata keçirilir.

Bölgənin ən böyük tingçilik bağlarından sayılan şirkətin 24 hektar sahəsi var. Bunun 21 hektarı tingçilik üçün istifadə olunur. Burada yerli və dünyanın müxtəlif ölkələrindən gətirilmiş ağac tingləri, dekorativ bitkilər və güllər yetişdirilir.

Təsərrüfatın nümayəndəsi Hüriyyə Rüstəmova bildirib ki, təsərrüfatda müxtəlif növ dekorativ bitkilər, iynəyarpaqlılar, meyvə ağacları, giləmeyvə və gül çeşidləri becərilir.

“Bizim təsərrüfat 2024-cü ilin fevral ayından fəaliyyətə başlayıb. Burada dünyanın müxtəlif ölkələrindən gətirilmiş dekorativ bitkiləri becəririk. Həmin bitkiləri çoxaldıb satışını təşkil edirik. Məqsəd təkcə qazanc əldə etmək deyil. İstəyirik ətraf gözəlliklə dolu olsun. İnsanlar bir-birindən gözəl evlər tikir. Həyətini, divarlarını bu dekorativ güllərlə, bitkilərlə bəzəyəndə baxanların zövqünü oxşayır. Bitkilərin qiymətləri növünə və ölçüsünə görə dəyişir. 3-5 manata da bitkilər var. Böyük ağaclarımız 50-60 manatdır. Bütün ağac və kollara müasir sistemlə qulluq olunur. Damcı üsulu ilə suvarılır. Ən əsası becərilən bitkilər yerli şəraitə tam uyğunlaşır”, - deyə Hüriyyə Rüstəmova söyləyib.

Hazırda təsərrüfatın ərazidə burada becərilən dekorativ ağac və kollardan ibarət 3 hektarlıq park salınır. Bundan başqa, ərazidə süni gölün yaradılması da nəzərdə tutulub. Həmin göldə nilufər çiçəkləri yetişdiriləcək.

“Bitkilərin müasir texnologiya ilə yetişdirilməsi, kök sistemlərinin sağlam olması və yeni mühitə tez uyğunlaşmasına imkan verir. Burada iynəyarpaqlıların 30-a yaxın növü becərilir. Ağaclardan, ağcaqayın, ipək akasiyası, daş palıd, sakura, pavloniya, çəhrayı akasiya, cökə və başqalarını sadalaya bilərəm. Gül ağacları və kollarından isə azaliya, Çin kalikantı, kameliya, mikeliya, qardeniya və onlarla başqa növlərimiz var”, - deyə təsərrüfatın mütəxəssisi Gülşad Hacıyeva bildirib.

Yeni fəaliyyətə başlayan təsərrüfatda dekorativ bitkilərlə yanaşı, meyvə ağaclarının tinglərinin istehsalının genişləndirilməsi də nəzərdə tutulub.

Mənbə: AZƏRTAC

Məqaləyə emosiya bildir:
1 ay əvvəl
424 dəfə oxundu
ilk.az-çılar nə deyir?
Fikirlər (0)
Oxşar yazılar
Çempionlar Liqası: “Qarabağ”ın potensial rəqibləri ilk oyunda qarşılaşıb
UEFA Çempionlar Liqasında II təsnifat mərhələsinin növbəti oyunları keçirilib. ILK.AZ...
  • 47 dəq. əvvəl
  • 15
QHGT-nin mənzil-qərargahında Saymon Stil ilə görüş keçirilib
İyulun 24-də Qoşulmama Hərəkatı Gənclər Təşkilatının (QHGT) mənzil-qərargahında...
  • 1 saat əvvəl
  • 21
Leyla Həsənova: İqlim dəyişikliyi ilə bağlı həllər hazırlayarkən gənclərin nəzərə alınması zəruridir
Ən böyük gənclər təşkilatı olan Qoşulmama Hərəkatının Gənclər Təşkilatı...
  • 3 saat əvvəl
  • 29
Avropa çempionatı: Azərbaycanın qızlardan ibarət basketbol millisi yarımfinalda
Azərbaycan basketbol millisi Kosovonun paytaxtı Priştina şəhərində 18 yaşa qədər qızlar...
  • 3 saat əvvəl
  • 37
AFAD: Şuşada fəaliyyət göstərəcək seysmik stansiyamız ölkələrimiz arasındakı əməkdaşlıqda yeni addımdır
Xaricdəki ilk seysmik stansiyamız dost və qardaş ölkə Azərbaycanın Şuşa şəhərində...
  • 4 saat əvvəl
  • 39
Zəfərimizə layiq olmaq, yaxud media və cəmiyyət məsuliyyəti
Prezident İlham Əliyevin təkcə tarixi gerçəklikləri deyil, günümüzün yeni...
  • 6 saat əvvəl
  • 50