![İyunun 3-dən BDU-da yaz imtahan sessiyası başlanacaq](/uploads/news-thumbs-900x600/iyunun-3-den-bdu-da-yaz-imtahan-sessiyasi-baslanacaq.jpeg)
İyunun 3-dən BDU-da yaz imtahan sessiyası başlanacaq
Bakı Dövlət Universitetinin (BDU) Elmi şurasının növbəti iclası keçirilib.
BDU-dan bildirilib ki, iclasda rektor Elçin Babayev gündəlikdə olan məsələləri diqqətə çatdırıb.
Universitetin tədris və təlim texnologiyaları üzrə prorektoru Fərda İmanov 2023/2024-cü tədris ilinin yaz semestrinin imtahan sessiyasının təşkili və Yekun Dövlət Attestasiyasının (bakalavriat və magistratura təhsil səviyyələri üzrə) keçirilməsi haqqında məlumat verib.
2023/2024-cü tədris ilinin yaz semestrinin imtahan sessiyasının keçirilməsi ilə bağlı elm və təhsil nazirinin 2024-cü il 24 may tarixli əmrinə əsasən nəzərdə tutulmuş müddəalar diqqətə çatdırılıb.
İclasda imtahan sessiyasının iyunun 3-dən başlayaraq 5 həftə ərzində keçirilməsi, müxtəlif səbəblərdən imtahanda iştirak etməyən təhsilalanlara həmin fənlərdən imtahan vermək üçün iyul ayının 3-dən 10-dək şərait yaradılması barədə qərar qəbul olunub.
Yekun dövlət imtahanları mayın 30-da, təkrar yekun dövlət imtahanlarının isə iyunun 24-də təşkil edilməsi qərara alınıb.
Mənbə: AZƏRTAC
Məqaləyə emosiya bildir:
467 dəfə oxundu
ilk.az-çılar nə deyir?
Fikirlər (0)