Kaliforniyada meşə yanğınları tüğyan edir

Kaliforniyada meşə yanğınları tüğyan edir

Kaliforniyada 47 dərəcə Selsiyə çatan qızmar isti hava şəraitində meşə yanğınları tüğyan edir. Artıq bir neçə yüz hektar ərazinin məhv olduğu bildirilir.

AZƏRTAC xarici mediaya istinadla xəbər verir ki, yaxın günlərdə yeni temperatur rekordları proqnozlaşdırılır və belə olan şəraitdə mütəxəssislər növbəti yanğınlar barədə xəbərdarlıq edirlər.

ABŞ-ın Kaliforniya ştatında yanğınsöndürənlər cümə günü rekord isti hava şəraitində bir neçə yanğını söndürə biliblər. Amma Yosemite Milli Parkı yaxınlığında yeni yanğın baş verib.

Milli Meteoroloji Xidməti cümə və şənbə günləri ABŞ-ın qərbində təhlükəli isti hava dalğasının yayılacağı barədə xəbərdarlıq edib. “Bir çox ərazilərdə temperatur rekordlarının qırılacağı gözlənilir”, - deyə meteoroloji xidmət bildirib.

İsti hava dalğası atəşfəşanlıq nümayişləri ilə qeyd olunan 4 İyul - Müstəqillik Gününə təsadüf edir ki, həmin uzunmüddətli istirahət günlərində ştatın geniş ərazisində hökm sürən quraqlıq səbəbindən yanğın hadisələri daha tez-tez baş verə bilər.

Yanğın cümə günü axşam Yosemite Milli Parkı yaxınlığındakı keçmiş qızıl mədəni şəhəri olan Mariposada başlayıb və sürətlə yayılıb. Hazırda yanğının səbəbi bəlli deyil. Los-Ancelesdəki Kaliforniya Universitetinin iqlimşünası Deniel Sueyn xəbərdarlıq edib ki, şəhərin özü də təhlükədədir, evakuasiyalar genişlənir, gecələr isti və quru hava hökm sürəcək. Yanğınsöndürmə idarəsinin bildirdiyinə görə, cümə günü, səhər saatlarında artıq yanğın bir neçə yüz hektar ərazini məhv edib və alovların cəmi 5 faizinin qarşısı alınıb.

Meşə yanğınları ekosistemin dəyişməsinin təbii mərhələsidir. Bununla belə, iqlim dəyişikliyi daha intensiv və dağıdıcı yanğınlara gətirib çıxarır, insan həyatını təhlükə altına alır.

Mənbə: AZƏRTAC

Məqaləyə emosiya bildir:
8 gün əvvəl
376 dəfə oxundu
ilk.az-çılar nə deyir?
Fikirlər (0)
Oxşar yazılar
Türkiyədə xaricə qaçmağa cəhd edən 10 FETÖ üzvü saxlanılıb
Türkiyənin İzmir vilayətinin Çeşmə rayonu ərazisinin Alaçatı körfəzində həyata...
  • 54 dəq. əvvəl
  • 11
Media: Trampa sui-qəsddə şübhəli bilinən şəxsin avtomobilində partlayıcı qurğu aşkarlanıb
ABŞ hüquq-mühafizə orqanları Ağ evin keçmiş rəhbəri Donald Trampa sui-qəsddə şübhəli...
  • 1 saat əvvəl
  • 12
Vətən müharibəsi şəhidi Səlimxan Bayramovun 26-cı doğum günü qeyd edilib
Vətən müharibəsi şəhidi Səlimxan Bayramovun 26-cı doğum günü münasibətilə Sumqayıt...
  • 2 saat əvvəl
  • 24
Belarusda qeyri-sabit hava şəraiti nəticəsində ölənlər var
Belarusda pis hava şəraiti nəticəsində 2 nəfər ölüb, 7 nəfər yaralanıb.AZƏRTAC...
  • 3 saat əvvəl
  • 32
Yaşar Güler: Türkiyə Silahlı Qüvvələri Kiprdə sülh və sabitliyin təminatçısıdır
Türkiyə Silahlı Qüvvələri Kiprdə həm türk, həm də yunan xalqları üçün sülhün və...
  • 5 saat əvvəl
  • 46
İtaliyada anomal istilər üç nəfərin ölümünə səbəb olub
İtaliyanın mərkəzi və cənub regionlarında müşahidə edilən anomal istilər üç nəfərin...
  • 6 saat əvvəl
  • 49