Los-Ancelesdə Azərbaycanın Müstəqillik Günü qeyd olunub

Los-Ancelesdə Azərbaycanın Müstəqillik Günü qeyd olunub

Los-Ancelesdə Azərbaycanın Müstəqillik Günü qeyd olunub.

Azərbaycanın Los-Ancelesdəki Baş konsulluğundan verilən məlumata görə, Azərbaycan və ABŞ-ın Dövlət himnlərinin ifasından sonra çıxış edən baş konsul Ramil Qurbanov tariximizdə olduqca əlamətdar olan ilk respublikamızın yaranması və nailiyyətləri haqqında məlumat verib.

R.Qurbanov 1991-ci ildə öz müstəqilliyini bərpa etmiş Azərbaycanın böyük çətinliklərlə üzləşdiyini, ancaq 1993-cü ildə hakimiyyətə qayıdan Ulu Öndər Heydər Əliyevin apardığı məqsədyönlü daxili və xarici siyasət nəticəsində ölkəmizin böyük bəlalardan qurtulduğunu, inkişafının möhkəm təməllərinin qoyulduğunu diqqətə çatdırıb.

Bu gün Azərbaycanın dünyanın ən sürətlə inkişaf edən dövlətlərindən birinə çevrildiyini deyən baş konsul Ali Baş Komandan Prezident İlham Əliyevin rəhbərliyi altında Müzəffər Azərbaycan Ordusu tərəfindən 2020-ci ildə torpaqlarımızın işğaldan azad edildiyini, tarixi ədalətin bərpa olunduğunu və bu gün həmin ərazilərdə ağıllı və yaşıl texnologiyalara əsaslanan bərpa və quruculuq işlərinin aparıldığını vurğulayıb. Baş konsul Azərbaycanın regional sülhə hazır olduğunu və bunun üçün vacib addımlar atdığını bildirib.

Sonra çıxış edən Dövlət Departamentinin Xarici Missiyalar Ofisinin Los-Anceles üzrə regional direktoru Denis Şen təmsil etdiyi qurum adından bütün azərbaycanlıları Müstəqillik Günü münasibətilə təbrik edib. O, Azərbaycanın ABŞ ilə münasibətlərindən bəhs edib və enerji təhlükəsizliyinin təmin edilməsində etibarlı tərəfdaş kimi əhəmiyyətini vurğulayıb.

Daha sonra Los-Anceles Konsulluq Korpusunun katibi Mame Mbaye 6-cı Ümumdünya Mədəniyyətlərarası Dialoq Forumundan bəhs edib və forumda iştirakı çərçivəsində xoş təəssüratlarını tədbir iştirakçıları ilə paylaşıb.

Tədbirdə, həmçinin cari ilin noyabr ayında Azərbaycanda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) haqqında qısa film təqdim edilib və milli geyimlərimiz nümayiş olunub.

Tədbir bədii hissə ilə davam edib.

Məlahət Nəcəfova

Vaşinqton

Mənbə: AZƏRTAC

Məqaləyə emosiya bildir:
17 gün əvvəl
389 dəfə oxundu
ilk.az-çılar nə deyir?
Fikirlər (0)
Oxşar yazılar
Firəngiz Əlizadə “Üzbəüz” layihəsinin qonağı olub
Fikrət Əmirov adına Gəncə Dövlət Filarmoniyasının təqdim etdiyi “Üzbəüz”...
  • 27 dəq. əvvəl
  • 8
Avro-2024: İngiltərə Serbiyanı minimal hesabla məğlub edib
Almaniyada keçirilən futbol üzrə XVII Avropa çempionatının C qrupunda ilk tura yekun...
  • 1 saat əvvəl
  • 23
MDU-da “Azərbaycanın COP29-a sədirliyi qlobal şimal və cənub arasında körpüdür” mövzusunda dəyirmi masa keçirilib
Mingəçevir Dövlət Universitetinin (MDU) Fizika və ekologiya kafedrasının...
  • 2 saat əvvəl
  • 22
"Nero" rəqs studiyasının hesabat konserti keçirilib
İyunun 16-da Bakı Musiqi Akademiyasının nəzdində fəaliyyət göstərən Opera Studiyasında...
  • 3 saat əvvəl
  • 39
Avro-2024: Danimarka qələbə hesabını qoruya bilməyib
Almaniyada təşkil olunan futbol üzrə Avropa çempionatında növbəti oyun keçirilib.ILK.AZ...
  • 4 saat əvvəl
  • 45
Azərbaycan Paris Olimpiadasına növbəti lisenziyanı qazanıb
Azərbaycan "Paris - 2024" Yay Olimpiya Oyunlarına daha bir lisenziya qazanıb.ILK.AZ Azərtac-a...
  • 5 saat əvvəl
  • 45