Milyonlarla zəvvarın iştirak etdiyi Həcc ziyarəti başlayıb

Milyonlarla zəvvarın iştirak etdiyi Həcc ziyarəti başlayıb

Dünyanın hər yerindən, o cümlədən Azərbaycandan 2 milyondan çox müsəlman cümə günü, iyunun 14-də Səudiyyə Ərəbistanında illik Həcc ziyarətinə başlayıb.

AZƏRTAC SPA agentliyinə istinadla xəbər verir ki, zəvvarlar cümə günü Məscidül-Həram tərəfinə yollanıb və Həcc ayinlərinin başlanğıcını qeyd edərək Məhəmməd peyğəmbərin izi ilə onların Mina dağına çatacaqları gözlənilir.

Məscidül-Həramdan 7 kilometr şimal-şərqdə yerləşən Mina dağı Məkkə ilə Müzdəlifə arasında mühüm mövqe tutur. Şimaldan və cənubdan dağlarla əhatə olunan bu vadi yalnız Həcc dövründə məskunlaşır və Hərəmin və ya Böyük Məscidin hüdudlarında yerləşir.

SPA agentliyi bildirib ki, Həcc zəvvarlarını ayinlərin ilkin mərhələlərində qarşılamaq üçün geniş hazırlıqlar görülüb, o cümlədən hər hansı gözlənilməz halların öhdəsindən gəlməyə hazır dörd xəstəxana, habelə istilik stresi və günvurma ilə mübarizə şöbələri təşkil edilib.

Bundan əlavə, Minada 30.000-dən çox zəvvarın yerləşdirilməsi üçün müasir dizaynları özündə əks etdirən çoxmərtəbəli yaşayış qüllələri tikilib.

Səudiyyə Ərəbistanı Həcc ziyarəti üçün Qəzzada həlak olan və ya yaralanan fələstinlilərin daha 1000 ailə üzvünü qəbul etməyi planlaşdırdığını açıqlayıb. SPA-nın məlumatına görə, təşəbbüs Kral Salman bin Əbdüləziz Əl Səudun göstərişi ilə Səudiyyə Ərəbistanının İslam İşləri Nazirliyi tərəfindən İki Müqəddəs Ocağın Xadimləri Proqramının bir hissəsi kimi təşkil olunub.

Həcc ziyarəti İslam inancının beşinci sütunudur və maddi imkanları olan bütün müsəlmanların həyatlarında ən azı bir dəfə yerinə yetirməli olduqları bir ayindir.

Bu ziyarət İslam inancının əsas anlayışlarını simvolizə etmək, İbrahim peyğəmbərin və onun ailəsinin sınaqlarını xatırlamaq üçün nəzərdə tutulan bir neçə ayinləri əhatə edir.

Mənbə: AZƏRTAC

Məqaləyə emosiya bildir:
1 ay əvvəl
430 dəfə oxundu
ilk.az-çılar nə deyir?
Fikirlər (0)
Oxşar yazılar
Türkiyə ilə Səudiyyə Ərəbistanı arasında ticarət həcminin 30 milyard dollara çatdırılması nəzərdə tutulur
Səudiyyə Ərəbistanının xarici işlər naziri şahzadə Feysəl bin Farhan Əl-Səud...
  • 8 dəq. əvvəl
  • 5
Türkiyədə xaricə qaçmağa cəhd edən 10 FETÖ üzvü saxlanılıb
Türkiyənin İzmir vilayətinin Çeşmə rayonu ərazisinin Alaçatı körfəzində həyata...
  • 1 saat əvvəl
  • 17
Media: Trampa sui-qəsddə şübhəli bilinən şəxsin avtomobilində partlayıcı qurğu aşkarlanıb
ABŞ hüquq-mühafizə orqanları Ağ evin keçmiş rəhbəri Donald Trampa sui-qəsddə şübhəli...
  • 1 saat əvvəl
  • 19
Vətən müharibəsi şəhidi Səlimxan Bayramovun 26-cı doğum günü qeyd edilib
Vətən müharibəsi şəhidi Səlimxan Bayramovun 26-cı doğum günü münasibətilə Sumqayıt...
  • 2 saat əvvəl
  • 28
Belarusda qeyri-sabit hava şəraiti nəticəsində ölənlər var
Belarusda pis hava şəraiti nəticəsində 2 nəfər ölüb, 7 nəfər yaralanıb.AZƏRTAC...
  • 4 saat əvvəl
  • 36
Yaşar Güler: Türkiyə Silahlı Qüvvələri Kiprdə sülh və sabitliyin təminatçısıdır
Türkiyə Silahlı Qüvvələri Kiprdə həm türk, həm də yunan xalqları üçün sülhün və...
  • 5 saat əvvəl
  • 50