Naxçıvan Dövlət Universitetində məzun günü keçirilib

Naxçıvan Dövlət Universitetində məzun günü keçirilib

Naxçıvan Dövlət Universitetində məzun günü təşkil edilib.

AZƏRTAC-ın Naxçıvan bürosu xəbər verir ki, məzun günündə əvvəlcə Ümummilli Lider Heydər Əliyevin və şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib.

Sonra musiqi sədaları altında məzun keçidi başlayıb. Tədbirdə moderator tələbələr Əli Yarıyev və Nilufər Əliyeva ali təhsil ocağının son illərdə qazandığı uğurları iştirakçıların diqqətinə çatdırdıqdan sonra “Heydər Əliyev və Naxçıvan Dövlət Universiteti” adlı videoçarx nümayiş olunub.

2023-2024-cü tədris ilinin yekununda bakalavriatura pilləsində 64 ixtisas üzrə 1377, magistratura səviyyəsində 66 ixtisaslaşma üzrə isə 151 magistrant olmaqla ümumilikdə 1528 tələbənin məzun olduğunu deyən universitetin rektoru Elbrus İsayev qeyd edib ki, tələbəlik illəri insan həyatında yer tutan ən önəmli dövrü təşkil edir. Həmin dövr gəncliyin xoş günlərini özündə əks etdirməklə yanaşı, hər hansı bir ixtisasa, elmə, biliyə yiyələnmək, gələcəkdə ondan daim yararlanmaq baxımından tələbələrin həyatında böyük izlər qoyur.

Qeyd olunub ki, universitetin də məqsədi məhz intellektual, bacarıqlı, vətənpərvər gənclər yetişdirməkdir.

Bu illər ərzində məzunların ictimai həyatda da aktiv olduğunu diqqətə çatdıran rektor bildirib ki, məzunlar təkcə auditoriyada deyil, eyni zamanda ictimai fəallıq göstərərək universitetin bütün tədbirlərində fəal iştirak ediblər. Vurğulanıb ki, tələbəlik illəri məzunların həyatında gözəl xatirə kimi hər zaman yaşayacaq. Elbrus İsayev məzun adını qazanan bütün tələbələri təbrik edərək, onlara gələcək həyatlarında uğurlar arzulayıb.

Naxçıvan Dövlət Universitetinin ilk məzunlarından olan Naxçıvan Muxtar Respublikası Yazıçılar Birliyinin sədri Asim Yadigar qeyd edib ki, tarixən hər bir xalq özünün xoşbəxt gələcəyə olan ümidlərini, ilk növbədə gənc nəsillə bağlayır. Gənc nəslin yetişdirilməsi hər bir ölkə üçün ən başlıca məsələdir. Həmçinin dünyanın istənilən ölkəsində gənclər də sosial-iqtisadi inkişafın aparıcı qüvvələrindən biri, cəmiyyətin islahatlarını hərəkətə gətirən zümrəsi və yaşlı nəslin davamçısı hesab olunur. Məhz Naxçıvan Dövlət Universiteti də bacarıqlı gənclərin yetişdirilməsində xüsusi rol oynayır. Asim Yadigar məzunları təbrik edərək, onlara can sağlığı arzulayıb.

Sonra Pedaqoji fakültənin müəllimi Valeh Əlixanovun rəhbərliyi ilə tələbələrin hazırladığı, çətin fəndlərin ustalıqla yerinə yetirildiyi “Karate şousu” iştirakçılar tərəfindən coşqu ilə qarşılanıb.

Mərasim zamanı universitetin məzunlarından ümumi orta müvəffəqiyyət göstəricilərinə görə fərqlənənlərə plaket və hədiyyələr təqdim olunub, Kamal Allahverdiyev “Məzun kötüyünə” xatirə lövhəsini vurub.

Sonra mərasim universitetin konservatoriyasının və Musiqi Kollecinin müəllim və tələbələrinin hazırladığı konsert proqramı ilə davam edib. Bədii rəhbəri universitetin Orkestr alətləri və dirijorluq kafedrasının dosenti, Əməkdar artist Validə Hüseynova olan “Belkanto” vokal qrupu, “Sevincin inciləri” qanunçalanlar ansamblı, “ADA BAND” rok musiqi qrupu, NDU-nun Beynəlxalq Məktəbi şagirdlərinin ifaları iştirakçılarda xoş əhvali-ruhiyyə yaradıb. Əcnəbi tələbələrin musiqi nömrələrinin də yer aldığı konsert proqramında Jozef Okpamenin ifası alqışlarla qarşılanıb.

Şəhid ailələrinin də iştirak etdiyi tədbirdə İkinci Qarabağ müharibəsi şəhidi Vüqar Şıxıyevin oğlu, universitetin məzunu Abutalıb Şıxıyev öz təəssüratını bölüşərək məzunlara gələcək həyatlarında uğurlar arzulayıb.

Məzun tədbiri bu il 25 illiyi tamam olan Tibb fakültəsinin gənc həkim məzunlarının ənənəvi andiçmə mərasimi ilə davam edib. Məzunların papaqatma mərasimi baş tutduqdan sonra xatirə şəkilləri çəkdirilib.

Tədbir atəşfəşanlıq ilə yekunlaşıb.

Mənbə: AZƏRTAC

Məqaləyə emosiya bildir:
22 gün əvvəl
384 dəfə oxundu
ilk.az-çılar nə deyir?
Fikirlər (0)
Oxşar yazılar
Balakəndə qəza törədən motosikletçi komaya düşüb
Balakənin Kortala kəndində hərəkətdə olan motosiklet yoldan çıxaraq aşıb və sürücü...
  • 4 dəq. əvvəl
  • 4
Ankarada “Anadolu” agentliyinin “Yaşıl xətt: Ətraf mühit” adlı sərgisi açılıb
İyulun 17-də Ankarada “Anadolu” agentliyinin “Yaşıl xətt: Ətraf mühit” adlı...
  • 1 saat əvvəl
  • 13
BBC Banqkokda 6 vyetnamlının həlak olmasının detallarını açıqlayıb
Banqkokda lüks otel otağında ölən 6 vyetnamlı sianidli içkilərdən zəhərlənib.AZƏRTAC...
  • 1 saat əvvəl
  • 15
Naxçıvanda aqrar sahədə lizinq fəaliyyətinin təşkilinə dair təlim keçirilib
Naxçıvan Biznes Mərkəzində “Kapital Bank” ASC-nin mütəxəssisləri tərəfindən aqrar...
  • 2 saat əvvəl
  • 29
Azərbaycanın futbol klubları Türkiyədə təlim-məşq toplanışları keçirir
Azərbaycanın bir sıra futbol komandaları Türkiyənin şərq vilayəti olan Ərzurumda...
  • 3 saat əvvəl
  • 35
“Paris-2024”: Azərbaycan komandasının bayraqdarları bəlli olub
Azərbaycanın “Paris-2024” Yay Olimpiya Oyunlarındakı bayraqdarları...
  • 4 saat əvvəl
  • 40