![Naxçıvan-Şahbuz magistral avtomobil yolunun kənarında yanğın baş verib](/uploads/news-thumbs-900x600/naxcivan-sahbuz-magistral-avtomobil-yolunun-kenarinda-yangin-bas-verib.jpeg)
Naxçıvan-Şahbuz magistral avtomobil yolunun kənarında yanğın baş verib
Naxçıvan Muxtar Respublikası Fövqəladə Hallar Nazirliyinin “112” qaynar telefon xəttinə Naxçıvan-Şahbuz magistral avtomobil yolunun kənarında quru otluq sahədə yanğının baş verməsi barədə məlumatlar daxil olub.
AZƏRTAC-ın Naxçıvan bürosu xəbər verir ki, məlumatla əlaqədar Naxçıvan şəhər və Babək rayon Dövlət Yanğından Mühafizə Hissələrinin yanğından mühafizə bölmələri çağırış üzrə hadisə yerinə cəlb olunublar. Yanğın nəticəsində 3,5 hektar yol kənarı və həyətyanı sahələrdə quru otluq yanıb, 6,5 hektar sahə, 3 fərdi yaşayış evi, 1 heyvandarlıq ferması, 1 yardımçı tikili, 1 transformator, 1 mobil telefon antenası (köşkü ilə birlikdə) yanğından mühafizə edilib.
Yanğın yanğından mühafizə bölmələri tərəfindən söndürülərək daha geniş sahəyə yayılmasının qarşısı alınıb.
Mənbə: AZƏRTAC
Məqaləyə emosiya bildir:
1 ay əvvəl
477 dəfə oxundu
477 dəfə oxundu
ilk.az-çılar nə deyir?
Fikirlər (0)