![NYT: Bayden üç ştatda və Kolumbiya dairəsində ilkin seçkilərdə qalib gəlir](/uploads/news-thumbs-900x600/nyt-bayden-uc-statda-ve-kolumbiya-dairesinde-ilkin-seckilerde-qalib-gelir.jpeg)
NYT: Bayden üç ştatda və Kolumbiya dairəsində ilkin seçkilərdə qalib gəlir
ABŞ-ın hazırkı Prezidenti Co Bayden Nyu-Cersi, Nyu-Meksiko, Cənubi Dakota ştatlarında və Kolumbiya dairəsində Demokratlar Partiyasının ilkin seçkilərində (praymeriz) qalib gəlib.
ILK.AZ Azərtac-a istinadən xəbər verir ki, bu barədə “The New York Times” (NYT) məlumat yayıb.
Məlumata görə, Bayden Nyu-Cersidə demokratların səslərinin 89 faizini, Nyu-Meksikoda 86 faizini, Cənubi Dakotada 75 faizini və Kolumbiya dairəsində 87 faizini qazanıb.
Demokratların ilkin seçkiləri Montana ştatında da davam edir. Baydenin Montana praymerizində də ciddi rəqibləri yoxdur.
Qeyd edək ki, ABŞ-da prezident seçkiləri noyabrın 5-də keçiriləcək. Keçmiş prezident Donald Tramp artıq Respublikaçılar Partiyasından dövlət başçısı olmaq üçün lazımi nümayəndə səslərini toplayıb. İkinci müddətə namizədliyini irəli sürən Bayden Demokratlar Partiyasından kifayət qədər sayda nümayəndənin dəstəyini qazanıb.
Mənbə: AZƏRTAC
Məqaləyə emosiya bildir:
1 ay əvvəl
450 dəfə oxundu
450 dəfə oxundu
ilk.az-çılar nə deyir?
Fikirlər (0)