“Qədim sənətin müasir məkanı” adlı tədbir keçirilib

“Qədim sənətin müasir məkanı” adlı tədbir keçirilib

Avqustun 26-sı Azərbaycan Milli Xalça Muzeyinin yeni binada fəaliyyətinin 10 illiyi münasibətilə "Qədim sənətin müasir məkanı" adlı tədbir keçirilib.

ILK.AZ Azərtac-a istinadən xəbər verir ki, tədbiri Milli Xalça Muzeyin direktoru Əminə Məlikova açaraq Azərbaycan Respublikasının Birinci vitse-prezidenti Mehriban Əliyevaya ölkənin mədəni irsinin inkişafı və qorunmasında göstərdiyi töhfəyə görə minnətdarlığını bildirib.

Azərbaycan Respublikasının Mədəniyyət Nazirliyi və Azərbaycan Milli Xalça Muzeyinin təşkilatçılığı ilə baş tutan tədbirdə ziyalıların, incəsənət və mədəniyyət xadimlərinin iştirakı ilə ərsəyə gələn "Xalça mənim üçün..." videolayihə təqdim olunub.

Prezident İlham Əliyevin Sərəncamına əsasən yaradılan bənzərsiz tikilinin memarı məşhur avstriyalı mütəxəssis Frans Yans qonaqlara müasir Bakının simvoluna çevrilən binanın ərsəyə gəlməsindən bəhs edərək təcrübə və təəssüratlarını bölüşüb.

Tədbirdə yubiley ilində öz tarixi vətəninə qaytarılan, muzeyin kolleksiyasını daha da zənginləşdirən XIX-XX əsrin əvvəllərinə aid Şirvanın "Paşalı" kilimi, Qazaxın "Şıxlı", Qarabağın "Açma-yumma" və "Bəhmənli" xalçaları ilk dəfə nümayiş etdirilib.

Bu milli irs nümunələri müxtəlif ölkələrdən olan kolleksiyaçılar - Mətin və Hüseyin Konukçular (Türkiyə), Mirko Kattai (İtaliya) və Hocat Abasi (Almaniya) tərəfindən muzeyə təqdim olunub. Tədbir tanınmış cazmen, pianoçu, Əməkdar artist Emil Əfrasiyabin "Caz naxışı" konsert proqramı ilə davam etdirilib.

Qeyd edək ki, 2007-ci ildə Azərbaycan Respublikasının Prezidenti İlham Əliyev Azərbaycan Milli Xalça Muzeyi üçün ayrıca binanın tikilməsi haqqında Sərəncam imzalayıb. Bu irimiqyaslı layihə Azərbaycan xalça sənətinin qorunması, inkişafı və gələcək nəsillərə çatdırılması məqsədilə Heydər Əliyev Fondu və Mədəniyyət Nazirliyi tərəfindən həyata keçirilib.

2014-cu il avqustun 26-da Prezident İlham Əliyev və Birinci vitse-prezident Mehriban Əliyevanın iştirakı ilə açılan xalça formalı unikal binada fəaliyyət göstərən bu muzey hazırda ölkəmizdə ən çox ziyarət olunan mədəniyyət ocaqlarından biridir.

Mənbə: AZƏRTAC

Məqaləyə emosiya bildir:
22 gün əvvəl
389 dəfə oxundu
ilk.az-çılar nə deyir?
Fikirlər (0)
Oxşar yazılar
Sorğu: Makron fransız siyasətçilərinin populyarlıq reytinqində 50 nəfər arasında 44-cü yerdədir
Fransa Prezidenti Emmanuel Makron “Paris Match” jurnalının və “Sud Radio”nun sifarişi...
  • 47 dəq. əvvəl
  • 13
Səfir Lətif Qəndilov: Dünya ümidlərini COP29-un Bakıda keçiriləcək qərarlarına bağlayır
Bu günlərdə Bişkekdə Mərkəzi Asiya və Əfqanıstanda iqlim dəyişmələri məsələləri...
  • 2 saat əvvəl
  • 25
Belarusdakı diaspor üzvləri təltif ediliblər
Sentyabrın 17-də Belarusun paytaxtı Minskdə Diaspor Fəaliyyətinə Jurnalistlərin Dəstəyi...
  • 2 saat əvvəl
  • 27
Dünyaşöhrətli səyyah: Bəxtimiz gətirdi ki, hava möhtəşəm idi
“Özümü çox yaxşı hiss edirəm”.ILK.AZ Azərtac-a istinadən xəbər verir ki, bu...
  • 3 saat əvvəl
  • 31
Azərbaycan cinayət məsuliyyətinə cəlb olunan üç Türkiyə vətəndaşını qarşı tərəfə təhvil verib
Türkiyənin hüquq-mühafizə orqanları ilə cinayətkarlığa qarşı mübarizə sahəsində...
  • 5 saat əvvəl
  • 41
Çempionlar Liqası: “Sabah” İsveç klubuna uduzub
Azərbaycanı basketbol üzrə Çempionlar Liqasında təmsil edən "Sabah" komandası bu gün ilk...
  • 5 saat əvvəl
  • 42