Romada Osmanlı Sultanların dualı köynəklərindən ibarət sərgi açılıb

Romada Osmanlı Sultanların dualı köynəklərindən ibarət sərgi açılıb

Romadakı Yunus Emre İnstitutunun (YEE) Türkiyə Mədəniyyət Mərkəzində “Dualı köynəklər” (“Dualı Gömlekler”) adlı sərgi açılıb. Ekspozisiyada Osmanlı Sultanların müharibələrdə qələbə çalmaq və bədnəzərdən qorumaq üçün geyindiyi dualı köynəklər nümayiş olunur.

AZƏRTAC xarici mediaya istinadla xəbər verir ki, İtaliyanın paytaxtı Romada keçirilən sərgidəki ekspozisiya çərçivəsində xəttat, elmlər doktoru Mehmet Vanlıoğlu, işıq üzrə rəssam Ayşe Vanlıoğlu və 13 nəfərdən ibarət komanda tərəfindən hazırlanmış 30 iş təqdim olunub.

Sərginin açılışında çıxış edən YEE-nin Romadakı Türkiyə Mədəniyyət Mərkəzinin direktoru Zafer Kıyıcı bildirib ki, sərginin təşkilatçıları Yaponiya, Albaniya, daha sonra isə Romadakı incəsənətsevənlərə Osmanlı Sultanlarının geyindiyi dualı köynəkləri təqdim etməkdən çox şad olub.

İşıq üzrə rəssam Ayşe Vanlıoğlu bildirib ki, komanda türk sultanlarının zirehlərinin altından geydikləri ornamentli naxışlı və dua yazıları olan köynəklərini yaratmaqla Osmanlı dövrünün tarixi koloritini ötürmək istəyib.

“Bir çox ölkədə və Türkiyənin bir neçə şəhərlərində sərgilər keçirdik və onlar böyük diqqət çəkdi. İndi Romaya gəldik”, - deyə Ayşe Vanlıoğlu bildirib.

Rəssam eyni zamanda tədbirin İtaliyada keçirilməsinin vacibliyini qeyd edib.

“Əlbəttə ki, tarixi əlaqə olduqda, bu, bizi daha da həyəcanlandırır. Məsələn, ekspozisiyada Cem Sultanın köynəyi var. Cem Sultanın burada həbsdə olduğunu bilirik. Onun köynəyi sahibini heç vaxt tapmayıb”, - deyə o qeyd edib.

Öz növbəsində xəttat Mehmet Vanlıoğlu bildirib ki, onun komandası 10 il boyunca sərgilərlə məşğul olub: “Biz əcdadlarımızın mədəniyyətini gənclərə ötürdüyümüz üçün çox şadıq”.

Həndəsi formalara və mənalı motivlərlə yanaşı köynəklərdə hədislər və surələr də var. Bundan əlavə, köynəklər incəsənət və estetika baxımından unikal əhəmiyyətə malikdir.

Mənbə: AZƏRTAC

Məqaləyə emosiya bildir:
7 gün əvvəl
368 dəfə oxundu
ilk.az-çılar nə deyir?
Fikirlər (0)
Oxşar yazılar
Daha 254 müdafiəçinin meyitləri Ukraynaya qaytarılıb
Ukraynaya repatriasiya tədbirlərinin nəticələri üzrə daha 254 müdafiəçinin meyitləri...
  • 16 dəq. əvvəl
  • 6
"Azərbaycanım" Beynəlxalq VII Uşaq və Gənc Rəsm Festivalının iştirakçıları ilə görüş olub
Şirvan-Salyan Regional Mədəniyyət İdarəsinin Salyan Dövlət Rəsm Qalereyasında...
  • 1 saat əvvəl
  • 25
Füzulidə Milli Qurtuluş Gününə həsr edilən tədbir keçirilib
Füzuli rayonunda 15 İyun-Milli Qurtuluş Günü münasibətilə “Ulu Öndər Heydər Əliyev...
  • 2 saat əvvəl
  • 32
Avro-2024: Almaniya millisi açılış oyununda Şotlandiyaya böyük hesabla qalib gəlib - YENİLƏNİB 7
Avropa çempionatında Almaniya və Şotlandiya yığmaları arasında keçirilən matç başa...
  • 3 saat əvvəl
  • 34
Avro-2024: Almaniya millisi fasiləyə üç top fərqli üstünlüklə yollanıb - YENİLƏNİB 4
Avropa çempionatında Almaniya və Şotlandiya yığmaları arasında keçirilən matçın ilk...
  • 4 saat əvvəl
  • 42
Azərbaycan Prezidenti Milli Qurtuluş Günü münasibəti ilə paylaşım edib
AZƏRTAC paylaşımı təqdim edir:Mənbə: AZƏRTAC
  • 5 saat əvvəl
  • 49