Ticarət nazirinin müavini: ABŞ Xəzər regionunun iqtisadi və strateji əhəmiyyətini anlayır

“ABŞ hökuməti və Ticarət Departamenti Xəzər regionunun iqtisadi və strateji əhəmiyyətini anlayır”.

Bu fikirləri ABŞ Ticarət nazirinin qlobal bazarlar üzrə köməkçisi Arun Venkataraman Vaşinqtonda Xəzər Siyasət Mərkəzi tərəfindən təşkil olunmuş 8-ci Trans-Xəzər Forumunda çıxışı zamanı deyib.

Onun sözlərinə görə, son 2 il ərzinə ABŞ-ın Xəzər regionu ilə ticarət dövriyyəsi 40 milyard dollar təşkil edib, idxal və ixrac eyni - 20 milyard dollar olub. “Bu statistika onu göstərir ki, kollektiv səylər nəticəsində ticarət qarşılıqlı ola bilər və hər iki tərəf qarşılqlı hörmət və etimad nəticəsində qurulmuş əməkdaşlıqdan yararlana bilər. Bilirik ki, regiondan keçməklə Avropadan Yaxın Şərq və hətta Uzaq Şərq marşrutu ilə hərəkət edən ticarətin dəyəri artmaqda davam edir. Ona görə də biz regiondakı tərəfdaşlarımızdan tez-tez iqtisadiyyatın diversifikasiyası niyyətləri barədə eşidirik”, - deyə ticarət nazirinin koməkçisi qeyd edib.

O bldirib ki, Ticarət Departamenti həmişə olduğu kimi Xəzər regionu boyunca ticarət əlaqələrinin genişləndirilməsi işinə sadiqdir və bu istiqamətdə birgə işləməyə davam edəcək.

Məlahət Nəcəfova

Vaşinqton

Mənbə: AZƏRTAC