Toy gününüzdə mükəmməl gəlin kimi görünməyiniz üçün 9 tövsiyə

Toy gününüzdə qüsursuz görünmək üçün sağlam şəkildə qidalanın. Bundan əlavə, makiyajınızın necə olacağını, gəlinlik paltarınızı və saç düzümünüzü xüsusi diqqətlə seçin. Hər şeyin ürəyinizcə olmasını istəyirsinizsə, sizə təqdim edəcəyimiz tövsiyələrə əməl edin.

1. Şəxsi qulluğunuza diqqət yetirin

Hər gün duş qəbul edin, təmiz qalın, bütün bədəninizə qulluq edin, dərinizi nəmləndirin. Eyni zamanda pəhrizinizə diqqət edin, faydalı qidalara üstünlük verin. Bunlar sizi daha enerjili və sağlam hiss etdirəcək, həmçinin daha gözəl görünəcəksiniz. Gəlin olmaqdan əlavə, daxili aləminizin gözəlləşməsinə də öz töhfənizi verəcəksiniz.

2. Sadə bir makiyaj edin

Toy günü hər kəsin diqqət mərkəzində olmaq istədiyiniz bir gün olduğu üçün imiciniz çox vacibdir. Ancaq çox makiyaj etmək təbii görünməyinizə mane ola bilər. Ona görə də sadə bir makiyaj seçmək daha yaxşı nəticə verəcək. Daha təbii və gözəl görünəcəksiniz. Eyni zamanda makiyajınızın uzun müddət qalmasına kömək edəcək keyfiyyətli məhsullardan istifadə etməyi unutmayın.

3. Zəif tərəflərinizə diqqət yetirin

Mükəmməl gəlin olmaq hər qadının arzusudur, lakin bu prosesdə zəif nöqtələrimizi görməməzlikdən gəlmək əvəzinə onlarla məşğul olmağımız daha yaxşı nəticə verər. Zəif tərəflərimiz bizi daha yaxşı insan etmək üçün imkanlar yaradır və biz onlarla mübarizə prosesində özümüzü təkmilləşdiririk. Buna görə də, mükəmməl bir gəlin olmağa hazırlaşarkən, zəif nöqtələrinizi müəyyənləşdirin və onları necə aradan qaldıra biləcəyinizi düşünün.

4. Toydan əvvəl stress keçirməyin

Toydan əvvəl stress keçirməyiniz sizə zərər verə bilər. Toy həyatınızın ən vacib və xoşbəxt xatirələrindən biridir. Ona görə də toy öncəsi stressi minimuma endirmək və özünüzü rahat hiss etmək üçün toya hazırlıq zamanı vaxtınızı yaxşı istifadə edin və prosesi vaxtında tamamlayın. Ailənizdən və dostlarınızdan kömək istəyin. Meditasiya və yoqa stressi azaltmaq üçün təsirli üsullardır. Toy hazırlıqları zamanı özünüzə vaxt ayırın və dincəlməək üçün müxtəlif fəaliyyətlərlə məşğul olun.

5. Toy hazırlıqlarını nizamlı və mütəşəkkil aparın

Mükəmməl gəlin olmaq istəyən hər kəs toy hazırlıqlarını nizamlı və mütəşəkkil şəkildə həyata keçirmək istəyir. Ancaq toya hazırlıq zamanı çox şey edilməli olduğu üçün çaş-baş qala bilərsiniz. Hansı işlərin təcili olduğunu və hansıların gözləyə biləcəyini müəyyənləşdirin, siyahını bu şəkildə yeniləyin.

6. Toy gününüzün makiyaj və geyinmə planını düşünün

Mükəmməl gəlin olmağın yollarından biri də toy günü makiyaj və geyinmə qaydasını planlaşdırmaqdır. Toy günü stresli və çətin ola bilər, lakin yaxşı planlaşdırma ilə bu stressi azaltmaq mümkündür. Toy günü tezdən durun, özünüzə vaxt ayırın. Makiyaj üçün peşəkar bir mütəxəssisdən kömək alın. Bununla toy günü özünüzü rahat hiss edəcəksiniz.

7. Ünsiyyət bacarıqlarınızı təkmilləşdirin

Ünsiyyət bacarıqlarınızı təkmilləşdirməyə çalışın. Qonaqları ən yaxşı şəkildə əyləndirmək üçün yeniliklər fikirləşin. Əgər həyat yoldaşınızın dostları ilə ünsiyyət qurmaqda çətinlik çəkirsinizsə, bu mövzuda özünüzü təkmilləşdirin. Yaxınlarınızın gözündə yaxşı imic formalaşdırmaq üçün onlarla ünsiyyət qurmağa çalışın.

8. Qidalanmanıza fikir verin

Toy yaxınlaşanda qidalanmağınıza fikir verin. Gəlinliyiniz bədəninizə uyğun hazırlandığından, kökəlməməyə diqqət edin. Eyni şəkildə, əgər arıqlasanız, gəlinlik sizin üçün çox böyük ola bilər. Odur ki, çəkinizi sabit saxlamağa çalışın. Son bir həftədə qidalanmanızda heç bir dəyişiklik etməyin.

9. Gənclik peyvəndi etdirin

Dərinin daha gənc görünməsini təmin edən bu üsulla dəri canlanır, təbii şəkildə nəmlənir, kollagen və elastin aktivliyi artır, sərbəst radikalların təsiri azalır. Bu üsulda müxtəlif fasilələrlə dəriyə 3 dəfə kiçik peyvəndlər edilir. Bu peyvəndlər sayəsində dərinin özü-özünü bərpa edən, nəmlik yaradan və sıxlaşdıran hüceyrələrinə işləmə əmri verilir.