Türkiyəli nazir: İlin sonunadək neft hasilatı daxili bazarın tələbatının 10 faizini ödəyəcək

Türkiyəli nazir: İlin sonunadək neft hasilatı daxili bazarın tələbatının 10 faizini ödəyəcək

Türkiyədə neft hasilatının həcminin ilin sonunadək sutkada 100 min barelə çatdırılması planlaşdırılır ki, bu da ölkənin “qara qızıl”a olan tələbatının 10 faizini ödəməyə imkan verəcək.

ILK.AZ Azərtac-a istinadən xəbər verir ki, bunu mayın 19-da yerli televiziyanın efirində Türkiyənin enerji və təbii sərvətlər naziri Alparslan Bayraktar deyib.

Nazir bildirib ki, hazırda Türkiyədə gündəlik neft hasilatı 42,5 min barel ətrafında dəyişir. “İyul ayına qədər gündəlik 50 min barel hədəfinə çatmağı planlaşdırırıq. Güman edirəm ki, yeni yataqlar sayəsində bu göstərici ilin sonuna qədər iki dəfə artacaq”, - deyən nazir xatırladıb ki, Türkiyə gündə 1 milyon barel neft istehlak edir.

Bayraktar Anadolunun cənub-şərqindəki təbii ehtiyatların potensialına da diqqət çəkib, Qabar dağı bölgəsində böyük neft yatağının fəal şəkildə işlənməsinin davam etdirildiyini deyib.

O qeyd edib ki, bu rayonda hasil olunan neft yüksək keyfiyyətlidir. “Hazırda Qabar yatağından neft 225 nəqliyyat vasitəsi ilə daşınır. Paralel olaraq 37 kilometrlik boru kəmərinin tikintisi həyata keçirilir”, - deyə o bildirib.

A. Bayraktarın sözlərinə görə, hökumət ölkə üzrə quyuların sayını 1 850 ədədə çatdırmağı planlaşdırır. “Quru ilə yanaşı, Aralıq dənizi və Qara dənizdə potensial yataqların kəşfiyyatı davam edir”, - türkiyəli nazir əlavə edib.

Ramin Abdullayev

Ankara

Mənbə: AZƏRTAC

Məqaləyə emosiya bildir:
28 gün əvvəl
438 dəfə oxundu
ilk.az-çılar nə deyir?
Fikirlər (0)
Oxşar yazılar
Firəngiz Əlizadə “Üzbəüz” layihəsinin qonağı olub
Fikrət Əmirov adına Gəncə Dövlət Filarmoniyasının təqdim etdiyi “Üzbəüz”...
  • 38 dəq. əvvəl
  • 11
Avro-2024: İngiltərə Serbiyanı minimal hesabla məğlub edib
Almaniyada keçirilən futbol üzrə XVII Avropa çempionatının C qrupunda ilk tura yekun...
  • 1 saat əvvəl
  • 23
MDU-da “Azərbaycanın COP29-a sədirliyi qlobal şimal və cənub arasında körpüdür” mövzusunda dəyirmi masa keçirilib
Mingəçevir Dövlət Universitetinin (MDU) Fizika və ekologiya kafedrasının...
  • 2 saat əvvəl
  • 22
"Nero" rəqs studiyasının hesabat konserti keçirilib
İyunun 16-da Bakı Musiqi Akademiyasının nəzdində fəaliyyət göstərən Opera Studiyasında...
  • 3 saat əvvəl
  • 39
Avro-2024: Danimarka qələbə hesabını qoruya bilməyib
Almaniyada təşkil olunan futbol üzrə Avropa çempionatında növbəti oyun keçirilib.ILK.AZ...
  • 5 saat əvvəl
  • 45
Azərbaycan Paris Olimpiadasına növbəti lisenziyanı qazanıb
Azərbaycan "Paris - 2024" Yay Olimpiya Oyunlarına daha bir lisenziya qazanıb.ILK.AZ Azərtac-a...
  • 5 saat əvvəl
  • 45