Yuxuda dişlərin tökülməsi nə anlam verir?
Dişlərin yuxuda töküldüyünü görmək bəzi inkişaflara işarə edir. Beləliklə, yuxuda dişin tökülməsi nədir və nə deməkdir? Yuxuda dişlərin töküldüyünü görmək bəzi insanlar tərəfindən pisə yozulsa da, bəzi vətəndaşlar isə bunu xeyrə yozmağa çalışırlar.
Yuxuda dişin yerindən çıxması
Çətinliklərdən və əzablardan qurtulmaq və xoşbəxtliyə qovuşmaq deməkdir. Məsələn, iş axtaranlar iş tapa bilərlər və ya subaylar ailə qurarlar.
Yuxuda öz dişlərinizin tökülməsini görmək
Bu, çox danışan,və danışmağı nə vaxt dayandıracağını bilməyən insanlarda olur. Bu xüsusiyyətə sahib olan insanlar ümumiyyətlə bunun fərqindədirlər.
Yuxuda bütün dişlərinin töküldüyünü görmək
İzdihamlı bir ailədə yaşamaq deməkdir. Subay insanlar evlənərək çoxuşaqlı ailədə yaşayarlar. Yuxuda bütün dişlərin tökülməsi sağlam bir həyat və uzun ömür kimi qiymətləndirilir.
Yuxuda dişlərin ovuca tökülməsi
Borcların bağlanması və ələ keçən pula dəlalət edir. Artıq pulunuzdan istifadə edib rahat ola və ailədəki maddi çətinliklərdən qurtula bilərsiniz. Ailənizdə borcu olan biri varsa, onlar da bundan qurtula bilər və evdə xoş günlər keçər.
Yuxuda dişlərin düşməsi
Yuxuda dişlərin düşməsini görmək bolluq, bərəkət deməkdir. Subay bir insan varlı biri ilə evlənər. Evli adamın bu cür yuxu görməsi özünün və ya həyat yoldaşının qazancının artacağına işarədir. Yuxuda ağzından diş çəkmək öz ayaqları üstündə durmaq kimi yozulur.
Yuxuda üst dişlərin töküldüyünü görmək
Yuxuda üst dişlərin tökülməsi ömrünüzün sonuna qədər daha yaxşı imkanlara sahib olmaq anlamı verir. Bəxtiniz açılar və birdən həyatınızda çox gözəl sürprizlər yaşanar. Maddi cəhətdən sizi təəccübləndirəcək qədər qazana bilərsiniz.
Yuxuda alt dişlərin töküldüyünü görmək
Yuxuda alt dişlərin tökülməsi düşmənlərdən gələn zərərə və maddi itkiyə işarədir. Böyük problemlərlə qarşılaşa, çıxış yolu tapmaya bilərsiniz. Kimsə sizi pərişan etməyə cəhd göstərər.
Yuxuda çürük dişlərin ovuca düşməsi
Yuxuda çürük dişlərin ovucuna düşməsi,yuxu sahibinin borclarından qurtulacağı bir qapıya rast gələcəyi deməkdir. Beləliklə, yaxşı xəbər alanda xoşbəxt olacağını göstərir.
Yuxuda xəstəliyə görə dişlərin tökülməsi
Dərd və kədəri geridə qoymaq, daha yaxşı günlərə çatmaq və ailə içində xoşbəxtliyinizi artırmaq kimi yozulur. Ailənizdəki söz-söhbətə son qoyub daha yaxşı münasibət qurmağa başlayarsınız. Maddi qazancınız artar.
Yuxuda dişlərin bir-bir tökülməsi
Dost sandığınız bəzi insanların sizə paxıllıq etməsinə, dostlarınızın bir-bir sizi tək qoymağına işarədir. Xüsusilə həyatınızdakı bəzi insanlar sizi ruhdan sala bilər. İşlərinizin pozulmasına cəhd edərlər. Ancaq gec də olsa, düşmənlərinizi tanıyarsınız.
Yuxuda ön dişlərin töküldüyünü görmək
Yuxuda ön dişlərin tökülməsi maddi problemlərə, mal-mülkü paylaşmaqda çətinlik çəkməyə dəlalət edir. Haqqınıza girmək istəyənlər olar. Maddi itkilərin qarşısını almaq üçün çox əziyyət çəkməli olarsınız.
Yuxuda bir dişin düşdüynü görmək
Yuxuda bir dişin düşdüyünü görmək, bir qohumun xaricə gedəcəyini göstərir. Eyni zamanda, yaxşı xəbərlərə işarə edir və yuxu sahibi üçün tezliklə yaxşı günlərin gələcəyini göstərir.
Yuxuda arxa dişlərin töküldüyünü görmək
Yuxuda arxa dişlərin tökülməsi dost və ya qohumdan pis xəbərlər eşitmək deməkdir. Bəlkə də haqqınızdakı şayiələr qulağınıza çata bilər. Xüsusilə, başqası tərəfindən böhtana məruz qala bilərsiniz və ya dostlarınızla aranızı vurmaq istəyənlər olar.
Yuxuda çürük dişlərin töküldüyünü görmək
Yuxuda çürük dişlərin tökülməsi fitnəkar insanların sizdən uzaq duracağı anlamına gəlir. Sizə zərər verə bilməyəcəklər. Rəqiblərinizi üstələyə bilərsiniz. Dost sandığınız düşmənlərdən bir-bir qurtula bilərsiniz.
Yuxuda sağlam dişlərin töküldüyünü görmək
Yuxuda sağlam dişlərin tökülməsi sevdiyiniz bir insanla ayrıla biləcəyinizə işarədir. Həyatınızda ayrılıqlar yaşana bilər. Başqa bir yerdə iş tapmaq və ya evlənmək kimi səbəblərdən dolayı ailənizdən və yaxınlarınızdan ayrı yaşaya bilərsiniz.
Yuxuda davada dişlərin tökülməsi
Borcların bağlanması və maddi yükdən qurtulmaq kimi yozulur. Həyatınız daha dinc və sakit axara düşər. İş həyatında da istədiyinizə nail olarsınız. Öhdəlikləriniz azalar və dolanışıq dərdi çəkməzsiniz.
Yuxuda tökülən dişlərini yığmaq
Yuxuda tökülən dişlərini yığmaq ailənizin sizinlə fəxr etməsi anlamına gəlir. Sizi təbrik etmək üçün zəng edə bilərlər. Həyatınızda yaşanan yaxşı bir hadisə sevdiklərinizi də xoşbəxt edər. Bir müddətdir səy göstərdiyiniz bir plandan və ya layihədən gözləniləndən daha çox müsbət nəticə əldə edə bilərsiniz.
Yuxuda yemək yeyərkən dişlərin tökülməsi
Bolluq və bərəkətə işarədir. Pulunuz artar, hüzur taparsınız. Bəxtiniz açılar, şad xəbərlər alarsınız. İqtisadi azadlığa çıxarsınız, çoxlu pulunuz olar.
Yuxuda dişlərin tökülməsi və qanaması
Belə yuxu özünü pərişan etmək deməkdir. Özünüzü əldən sala və xəstələnə bilərsiniz. Psixoloji cəhətdən də problemləriniz ola bilər. Ancaq yuxuda qan görülməsi, ümumiyyətlə yuxunun pozulduğu kimi təfsir olunur.
Yuxuda dişlərin tökülməsi
İslam yuxu yozucularına görə, sevdiklərinizlə gözəl, firəvan həyat yaşamağa işarədir. Pulunuzun bərəkəti artar, maddi yüksəliş yaşayarsınız. Ağrı və problemdən qurtularaq gözəl xəbərlər alarsınız.
Diş haqqında digər yuxu yozması:
Dostlarınla paylaş:
90063 dəfə oxundu
ilk.az-çılar nə deyir?