Sevgilisi olmamağın üstünlükləri

Sevgilinizin olmaması sizi üzməsin. Əksinə, bu məqaləni oxuduqdan sonra sevinəcəksiniz.

Sevgilinizin olmadığına görə təəssüflənirsiniz? Sevgili tapmaq üçün hər yerə göz gəzdirirsiniz? Boş verin, dərdsiz başınıza dərd açmayın. Sevgili axtarmağa son qoyun. İndiki halınızdan ləzzət alın. Sevgiliniz olmadıqda rahatlıqla edə biləcəyiniz məşğuliyyətlərə nəzər salın.

1. İstədiyiniz zaman tətilə çıxa bilərsiniz

Ürəyiniz istəyən zaman tətilə çıxa bilərsiniz. Sevgiliniz olanda bu durum çətinləşir. "Haradasan, nə edirsən, yanında kim var, nə zaman qayıdacaqsan?" deyən biri olmayacaq və tətilin xoş anlarını rahatlıqla yaşayacaqsınız.

2. Özünüzə çoxlu zaman ayıra bilərsiniz

Özünüzə ayıra biləcəyiniz zamanınız çoxdur. Kitab oxumaq, teatra getmək, hobbilərə vaxt ayırmaq və s. İstədiyiniz hər şeyi edə bilərsiniz.

3. İstədiyiniz insanlarla görüşə bilərsiniz

Sizdən xoşu gələn biri ilə danışa, zarafatlaşa bilərsiniz. Buna görə sizi qınayan olmayacaq. Heç kimə izahat verməyəcəksiniz.

4. Rahat yuxu alarsınız

Böyük yataqda tək başına, səssiz, sakit yata bilərsiniz. Kiminsə xoruldaması, yorğanı çəkməsi sizi bezdirməz. Yuxunuz yarımçıq qalmaz. Gecənin bir zamanında yuxunuzu qaçıracaq mesaj, zəng gəlməz.

5. Özünüzə olan inamınız artacaq

İşlərinizi özünüz görəcəksiniz. Qərarları tək başına verəcəksiniz. Buna görə də özünüzə olan inamınız artacaq.

6. Dostlarınıza geniş zaman ayıra biləcəksiniz

Sevgilisi olanlar dostları ilə vaxt keçirməyə həvəsli olmurlar. Onlar bütün zamanlarını sevgililərinə ayırmağa məcburdurlar. "O kim idi, sənə nə dedi, o qızın baxışları xoşuma gəlmədi, o sənə niyə güldü?" kimi bezdirici suallara məruz qalmarsınız.

7. Ürəyiniz necə istəsə, elə hərəkət edərsiniz

Ürəyinizdən keçənləri etməyə kimsə sizə mane olmaz. Ən yaxşısı da elə budur. Özünüzü rahat və tam azad hiss edəcəksiniz.

8. Xüsusi günləri xatırlamağa məcbur olmarsınız

Hədiyyə almaq, xüsusi şeylər təşkil etmək, sürpriz etmək kimi dərdləriniz olmaz. Öz doğum gününüzü belə yadınızda saxlamağa məcbur deyilsiniz.

9. Mübahisədən uzaq olarsınız

Qısqanclıq, diqqətsizlik və digər şeylərdən yaranan mübahisələrdən uzaq olarsınız. Kiməsə nəyisə izah etmək məcburiyyətində qalmarsınız.

Yenidən düşünün

Bunları oxuduqdan sonra hələ də sevgili arzulayırsınız? Bizdən məsləhət, dincəlin, özünüzə zaman ayırın. Enerji toplayın, hətta həkimə gedib lazımi müalicə alın. Əsas sağlamlıqdır.