Dirsək qaralması əsasən qadınları narahat edən bir problem olsa da, bu problemə hər kəsdə rast gəlmək mümkündür. Adətən əsmər və qarabuğdayı insanlarda müşahidə olunan dirsək qaralmasının əsas səbəbləri arasında rütubətli hava və dizlərin susuz qalması yer alır.
Dirsəklərin qaralması heç bir xəstəliyin əlaməti hesab olunmur. Dirsəklərin qaralması ətraf mühit faktorlarına və şəxsi qulluq əskikliyinə əsaslanır. Dirsəklərdə ölü dərinin yığılması nəticəsində yaranan dirsək qaralması tətbiq etdiyiniz qulluq nəticəsində aradan qalxmırsa, dermatoloqa müraciət etməyinizi tövsiyə edirik.
Dirsək qaralmasının səbəbləri
Soyuq havada quruyan və çatlayan dirsəklər zamanla qaralmağa başlayır. Dirsəklərin qaralmasında təsirli rol oynayan amil dirsəklərdə nəmliliyin olmamasıdır. Dirsəklərin susuz qalmaması üçün tez-tez nəmləndirici istifadə etmək lazımdır. Dirsəyin qaralmasına səbəb olan başqa bir amil isə günəş şüalarına məruz qalmaqdır.
Dirsək qaralmasına qarşı təbii həll yolları
İlk növbədə qaralmış dirsəklərə qulluq duşdan sonra nəmləndirmə ilə başlanılmalıdır. Duş zamanı dirsəklərinizdə yığılan ölü dəridən xilas olmaq üçün dəri kisələnməlidir. Eyni zamanda, duşdan sonra istifadə edəcəyiniz nəmləndirici kremlər daha təsirli təsir göstərəcək.
Limon müalicəsi: Dirsək qaralması üçün ən çox istifadə edilən müalicə üsulu şübhəsiz ki, limonla müalicədir. Yarıya böldüyünüz limonu dirsəklərinizə sürtmək təsirli olacaq. Həmçinin limonu duzla birlikdə dirsəklərə sürtmək də ölü dərini çıxarmağa kömək edəcək. Limon müalicəsini həftədə iki dəfə tətbiq etmək kifayətdir.
Alma sirkəsi müalicəsi: 1 xörək qaşığı alma sirkəsini 2 xörək qaşığı qatıqla qarışdırın. Əldə etdiyiniz qarışığı dirsəklərinizə tətbiq edin. 5-10 dəqiqə gözlədikdən sonra bol su ilə yuyun.
Hind qozu yağı: 1 çay qaşığı kokos yağı və 1 çay qaşığı limon suyunu qarışdıraraq dirsəklərinizə tətbiq edin. 15-20 dəqiqə gözlədikdən sonra ilıq su ilə yuyun.
Qabartma tozu və süd: Bir paket qabartma tozunu az miqdarda südlə qarışdırın. Hazırladığınız məcunu dirsəklərinizi tətbiq edin. Hər gün bunu təkrarlayın. Qabartma tozu dirsəklərdə yığılan ölü dərini çıxarmağa, süd isə tərkibindəki laktik turşusu ilə dərinin rəngini açmağa kömək edir.
Kartof müalicəsi: 1 qaynadılmış kartofu çəngəllə əzdikdən sonra üzərinə 1 xörək qaşığı bal əlavə edin. Hazırladığınız qarışığı dirsəklərinizə çəkin və 20 dəqiqə gözləyin. Sonra ilıq su ilə yuyun.