Bəzi insanlar çox vaxt makiyajla yatmağa üstünlük verirlər. Ancaq bu, dəriyə ciddi zərər verir.
"Dərinin makiyajla davamlı təması dəriyə böyük zərər verə bilər. Xüsusilə uzun saatlar makiyajı silməmək ciddi dəri problemlərinə səbəb ola bilər.
Makiyajla yatmağı adət halına salanlar bilməlidirlər ki, dəri ciddi zərər görə bilər. Makiyajla yatmağın dəriyə hansı zərərləri verə biləcəyini bu məqaləmizdə göstərmişik.
Makiyajla yatmağın zərərləri
Makiyajla yatmaq dərinin nəfəs almasına mane olur, gecə dərini qurudur və dərinin soyulmasına səbəb olur.
Makiyajı gecə boyu dəridə saxlamaq məsamələri bağlayır. Bu, sızanaq və qara nöqtə kimi dəri problemlərinə səbəb olur. Hətta dəri yağlı ola bilər.
Dəri özünü xüsusən gecələr yenilədiyi üçün makiyaj buna mane olur və dəriyə zərər verir. Makiyajla yatdığınız zaman dərinizin yağ balansı pozulur. Bunu adət halına gətirmək dəridə ciddi problemlər yaradır.
Gecədə tıxanmış məsamələr dərinin elastikliyini itirməsinə, sallanmasına və cizgilərin yaranmasına səbəb olur. Erkən yaşda belə, olduğunuzdan çox yaşlı görünə bilərsiniz.
1. Fondetön
Gün ərzində hava çirkliliyi bakteriya kimi təsirlərə məruz qalan fondetönlərin təsiri azalsa da, dərinin hava almasını əngəlləyərək problemlərə yol aça bilər. Gecə çıxarılmadığı zaman dəri hava almır və yığılmış mikroblar dəriyə zərər verir. Həmçinin gənc yaşda qırışlara səbəb olur.
2. Makiyaj qatı
Makiyaj qatı gün ərzində dəridə qaldıqda ciddi nəticələr yarada bilər. Makiyaj istifadə etdikdə dərini yaxşı təmizləyib nəmləndirsəniz zərər görməzsiniz. Ancaq gecə silmədikdə ciddi problemlər yarada bilər.
3. Dodaq boyası
Dodaq boyasını silmədən yatmaq dodaqların qurumasına və çatlamasına səbəb ola bilər. Buna görə yatmadan əvvəl boyanı silmək və dodaq nəmləndiricisi istifadə etmək lazımdır.
4. Süni kirpik
Süni kirpiklərlə yatmaq kirpik köklərinin qapanmasına səbəb olur. Süni kirpiklər kirpiklərdə bakteriya yaradır və göz xəstəliklərinə zəmin yaradır. Süni kirpiklərlə yatmaq kirpiklərin qırılması və tökülməsinə gətirib çıxarır.
5. Dərinizdə sızanaqlar əmələ gələr
Makiyajla yatdığınız zaman dərinizdəki vəzlər tıxanır və nəfəs ala bilmir. Bu zaman üzünüzdə sızanaqlar əmələ gələ bilər.
6. Makiyajla yatmaq dərinizi qocaldır
Davamlı şəkildə makiyajla yatmaq dərinizdə qırışların əmələ gəlməsinə və beləliklə dərinizin yaşlanmasına səbəb olur.
7. Gözlərinizə mikrob düşə bilər
Makiyajla yatdıqda gözlərinizə mikrob keçə bilər. Gözləriniz şişmiş halda oyanmaq istəmirsinizsə, makiyajınızı təmizləyin.
Yatmadan əvvəl makiyajınızı necə silməlisiniz?
Pambıq və ya makiyaj silici ilə asanlıqla silmək olar. Tez yuxuya keçirsinizsə, yanınıza makiyaj silici qoyun. Makiyajlı dərinizi silin. Erkən yaşlanmaq istəmirsinizsə, dərinizi təmiz saxlayın.