İfrat qorxu, narahatlıq və vəsvəsələrin müşahidə olunduğu və insanın bunların yaratdığı çətinlikləri aradan qaldırmaq üçün müxtəlif tədbirlər gördüyü xəstəliyə təmizlik xəstəliyi deyilir. Təmizləmə xəstəliyinə tutulan şəxsözünün, paltarının və ya evdəki hər şeyin çirkli, tozlu və mikroblu olduğunu düşünür. Nəticədə isə bəzi davranışlar sərgiləyir.
Təmizlik xəstəliyinin simptomları:
Əllərin daim yuyulması
Bu səbəbdən insanın əllərinin dərisi soyulur və ya ekzema olur
Hamamda bir saatdan çox çimmək
Tualetdə uzun müddət qalmaq
Həddindən artıq sabun və dezinfeksiyaedici maddələrdən istifadə etmək
Çöldə geyindiyi paltarları evə girən kimi paltaryuyan maşına atmaq
Mağazadan aldığı hər şeyi təkrar-təkrar yumaq
Hər gün evi başdan-ayağa təmizləmək
Paltarları bir dəfədən çox yumaq
Təmizlik xəstəliyinin başlanğıcında insan çox təmiz biri kimi qəbul edilsə də, sonradan ətrafdakıları yormağa və narahat etməyə başlayır. Hətta evləri çirkli olacağı üçün qonaq qəbul etmir. Həyat yoldaşı və ya uşaqları evə gələndə onlardan qapının önündə soyunmalarını və paltarlarını paltaryuyan maşına ataraq dərhal duş qəbul etmələrini istəyir. Ev çirklənəcək deyə otaqlara girilməsinə icazə vermir.
Təmizliyə görə ailəsinə vaxt ayıra bilmir. Uşaqlarına həddindən artıq qəzəblənə, hətta onlara qarşı zorakılıq da edə bilər. Həyat yoldaşı və ya birlikdə yaşadığı insanlarla daim mübahisə edir. Bəzən həyat yoldaşını aşırı təmizliyə məcbur etməsi və bundan dolayı yaranan mübahisələr onun evliliyində problemlərə və hətta boşanmalara səbəb olur. Buna baxmayaraq, o, təmizlik sevdasından vaz keçmir. Bu qədər insanın həyatına təsir edən xəstəlik mütləq müalicə olunmalıdır.
Təmizlik xəstəliyini necə müalicə edilir?
Təmizlik xəstəliyinin müalicəsi üçün mütləq psixiatrla məsləhətləşmək lazımdır. Psixiatrik müalicə bir qədər uzun çəkir və vaxt aparır. Müalicədə antidepressant dərmanlarla birlikdə müxtəlif psixoterapiya üsullarından istifadə edilir.