Göz quruluğu nədir? Göz quruluğuna nə yaxşı təsir edir? Göz quruluğunun müalicə yolları

Yetərincə göz yaşı xaric edilmədiyindən yaranan göz quruluğunun fərqli səbəbləri vardır. Göz quruluğu nədir və necə müalicə olunur?

Göz quruluğu göz yaşlarının azalması səbəbindən meydana gəlir və gözlərdə batma, yanma və qaşınma ilə özünü göstərir. Gözyaşlarının miqdarı və keyfiyyəti gözləri infeksiyalara daha həssas edir. Bu səbəbdən bu vəziyyət müalicə edilmədikdə görmə itkisi kimi çox ciddi nəticələrə səbəb ola bilər. Müalicəni gecikdirməmək üçün quru göz simptomları görünəndə bu sahədə mütəxəssis olan bir həkimə müraciət edilməlidir.

Müasir həyatın yaratdığı əsas problemlərdən biri də göz qurluğudur. Hər fəsildə meydana gələn göz quruluğuna bir neçə faktor səbəb olur. Ventilyator, uzun müddət ekrana baxmaq kimi səbəblər göz quruluğuna yol açır. Belə problemi olanlar həkimə müraciət etməlidir.

Göz quruluğu nədir?

Göz quruluğu, göz yaşlarının gözlər üçün lazımi nəmləndirməni təmin etmədiyi zaman əmələ gəlir. Göz yaşları bir çox səbəbə görə gözləri tam nəmləndirə bilmir. Göz quruluğunun xroniki hal alması yetərincə göz yaşı xaric olunmadıqda əmələ gəlir. Bunun bir səbəbi də göz yaşının tez buxarlanmasıdır. Gözün daxilində və kənarlarında iltihablanma da yarana bilər. Göz və gözətrafı dəridəki xəstəlik və allergiyaların hamısı xroniki göz quruluğuna səbəb ola bilər.

Göz quruluğunun əlamətləri

Göz quruluğu insanların həyat tərzi və ətraf mühit faktorlarından asılı olaraq ortaya çıxa biləcək bir problemdir. Vitamin çatışmazlığından otoimmün xəstəliklərə qədər bir çox səbəbi ola bilər. Ən çox görülən səbəbləri aşağıdakı kimi sıralamaq olar:

Göz quruluğunun əlamətləri bir çox insanda oxşardır. Hər iki gözə təsir edir. Ən çox rast gəlinən göz quruluğu əlamətləri aşağıdakılardır:

• Gözlərdə batma, yanma və ya qaşınma hiss etmək
• Gözlərin içində və ətrafında lifli qat yığılması
• Gün işığı və digər işıqlara qarşı həssaslıq
• Gözlərin tez-tez qızarması
• Gözlərin içində nəsə varmış kimi hiss etmək

Göz quruluğu niyə olur?

Yaşın artması, xaric olunan göz yaşı miqdarının və keyfiyyətinin azalması göz quruluğunu yarada bilər. Bəzi dərmanların əks təsiri də göz quruluğuna səbəb ola bilər. Kontakt linzalardan uzun müddət istifadə etmək də bu səbəblərdən biridir. Bəzi allergiyalar da gözlərdə quruluq yarada bilər. Əsas səbəb isə göz yaşı əskikliyidir.

Yaşlanma

Gözlərin quruluğu təbii yaşlanma prosesinin bir hissəsi hesab olunur. Yaş artdıqca gözyaşı istehsalı azalır. Bu səbəbdən göz quruluğu əlamətlərinin xüsusilə 50 yaşdan sonra daha çox yayıldığını söyləmək olar.

A vitamini çatışmazlığı

A vitamini gözün sağlam quruluşunu qoruyub saxlamasını təmin edən əhəmiyyətli bir vitamindir. Onun çatışmazlığı gecə korluğu və kornea yumşalması kimi müxtəlif göz xəstəliklərinə və quru gözlərə səbəb ola bilər.

Daimi istifadə edilən dərmanlar

Göz yaşlarının biokimyəvi quruluşunda yağ, su və selik var. Ancaq bəzi dərmanlar mucus istehsalını azaldaraq gözlərin qurumasına səbəb ola bilər. Bu dərmanlara antihistaminiklər, bəzi antidepresanlar və beta-blokerlər daxildir. Mütəmadi olaraq istifadə edilən dərmanların gözdə quruluğa səbəb olduğu düşünülürsə, mütəxəssis həkimə müraciət edilməlidir. Həkiminiz lazımi müayinələrdən sonra dərmanın dozasını tənzimləyə və ya dərmanınızı dəyişə bilər.

Göz quruluğunun müalicəsi

Yay aylarında ventilyator istifadə etməyin.

Göz quruluğu cari yaşam tərzindən dolayı geniş yayılıb. Xüsusən yay aylarında ventilyatordan gələn hava axını göz quruluğu yarada bilir. Günəş eynəkləri istifadə etmək bunun qarşısını almaq üçün bir yoldur. Qışda evdə qeyri-təbii isitmə vasitələri havanı qurudur. Buna görə, gözlər daha çox quruyur. Bunun üçün evin havası xüsusi cihazlarla rütubətləndirilməli və ya qablarda su qoyulmalıdır.

Uzun müddət kompüter işlətmək və televizora baxmaq gözləri qurudur

Kitab oxumaq, kompüter işlətmək, televizora baxmaq gözlərin yorulması və qurumasına səbəb olur. Bunları edən zaman gözlərinizə istirahət verin, bu həm də göz quruluğunun yaranmasının qarşısını alır. Göz qapağı iltihabı zamanı həkim antibiotik tərkibli damcı və ya oral antibiotik tövsiyə edə bilər. Göz quruluğu zamanı da antibiotik müalicəsi tətbiq olunur.

XƏBƏRDARLIQ!

Məqalədə yer alan yazılar və şəkillər müxtəlif mənbələrdən toplanmışdır və məlumat, nümunə xarakter daşımaqdadır. Qəti bir diaqnoz və müalicə keyfiyyəti yoxdur. Hər hansı bir sağlamlıq probleminiz varsa həkiminizlə məsləhətləşin. Unutmayın, sağlamlıq problemlərində tətbiq olunan müalicə üsulları şəxslərin bioloji, irsi xüsusiyyətləri, yaş, boy, çəki fərqlərinə, allergik cəhətlərinə və onlarla belə fərqli vəziyyətə görə dəyişə bilər. Yalnız həkiminiz sağlamlıq problemlərinizin müalicəsində sizə kömək edə bilər.