Hamiləlik dövründə içilə biləcək bitki çayları

Hamiləlik dönəmində qadınların orqanizmində böyük dəyişiklik yaşanır. Bundan dolayı bəzən bədənin müqaviməti düşə bilər. Bu cür problemləri minimuma endirmək və bədən müqaviməti ilə immunitet sistemini gücləndirmək üçün bəzi bitki çayları içmək olar. Ancaq belə çayları həkim məsləhəti ilə içmək gərəkdir. Bəzi bitki çayları anaya və onun körpəsinə zərər verə bilər.

Hamilə qadınlar üçün faydalı olan, bəzi ağrıları azaldan, yaxşı yuxu gətirən, sakitləşdirici təsirə malik olan bitki çaylarını təqdim edirik.

1. Cökə çayı

Hamiləlik dönəmində içilə biləcək bitki çayı olan cökə çayı immun sisteminin güclənməsinə kömək edir, qrip və soyuqdəymə kimi problemlərə qarşı mübarizə aparır.

2. Çobanyastığı çayı

Çobanyastığı çayı yuxu problemi olan hamilə qadınlar üçün təsirli rola malikdir. Bu çay həmçinin sakitləşdirici xüsusiyyətə malikdir.

3. Şüyüd çayı

Şüyüd çayı hamiləlik zamanı və doğuşdan sonra da içilə bilər. Ana südünün artmasına kömək edir.

4. Zəncəfil çayı

Zəncəfil çayı tez-tez yaşanan mədə bulanmasını azaldır. Mədədəki şişkinlikləri aradan qaldırır.

5. İtburnu çayı

Hamilə qadınlar güclü və müqavimətli olmalıdır. İtburnu çayı buna kömək edir.

6. Melisa çayı

Melisa çayının tərkibindəki elementlər sayəsində qəfildən dəyişən hormonal balans zamanı gərilən sinirlər sakitləşir. Melisa çayı sayəsində yuxuya çətin keçən hamilə qadınlar daha rahat yata bilərlər.

7. Acerola albalı çayı

Bu çay tərkibindəki C vitamini ilə immunitet sistemini gücləndirir. Acerola albalı çayı sayəsində viral xəstəliklərə tutulma riski azalır. Eyni zamanda uşaqlıq yolu əzələlərinin inkişafına, güclənməsinə və doğumun daha sadə şəkildə reallaşmasına kömək edir.

8. Lavanda yağı

Hamiləlik zamanı qasıq və digər bölgələrdə ağrılar olur. Suya az miqdarda lavanda yağı əlavə edib, təmiz bir dəsmalı bu qarışıqda isladaraq qasıq nahiyəsinə və digər ağrıyan yerlərə tətbiq etmək olar.

9. Xurma çayı

Hamiləlik dönəmində bəzi qadınlarda qansızlıq problemi olur. Xurma bu problemi həll edərək orqanizmin ehtiyac duyduğu folik turşunun bir hissəsini qarşılayır.

Hamiləlik zamanı bitki çayı içənlərə tövsiyyələr

Hamiləlik həssas dönəm olduğu üçün bu zaman qidalanmaya, məşqlərə, yuxu rejiminə, qulluq məhsullarına diqqət edilməlidir. Bitki çayını da həkim tövsiyəsinə uyğun olaraq içməlisiniz. Faydalı olan bitki çayından gündə 2 fincandan artıq içməmək lazımdır. Bitkiləri təzə-tər şəkildə almaq daha yaxşı olar. Paket halında satılan qarışıq bitki çayları zərərli də ola bilər.

Hamiləlik zamanı hansı bitki çayları içilməməlidir?

- Sinameki
- Reyhan
- Ekineziya
- Zəncəfil
- Kətan toxumu
- Ahududu və s.

Yuxarıdakı çaylar hamilə qadınlar tərəfindən tez-tez içildiyi təqdirdə qanaxma riski və digər təhlükələr yarana bilər.

XƏBƏRDARLIQ!

Məqalədə yer alan yazılar və şəkillər müxtəlif mənbələrdən toplanmışdır və məlumat, nümunə xarakter daşımaqdadır. Qəti bir diaqnoz və müalicə keyfiyyəti yoxdur. Hər hansı bir sağlamlıq probleminiz varsa həkiminizlə məsləhətləşin. Unutmayın, sağlamlıq problemlərində tətbiq olunan müalicə üsulları şəxslərin bioloji, irsi xüsusiyyətləri, yaş, boy, çəki fərqlərinə, allergik cəhətlərinə və onlarla belə fərqli vəziyyətə görə dəyişə bilər. Yalnız həkiminiz sağlamlıq problemlərinizin müalicəsində sizə kömək edə bilər.