Saçların ağarmasına səbəb nədir? Nələr saça yaxşı təsir edər? Ağ saçları qaraya çevirəcək təbii üsullar

İnsan həyatının təbii prosesi olan saç ağarması stress və digər təsirlərlə bağlı olaraq baş verir. Erkən yaşlarda saçların ağarmasının qarşısını almağın üsullarını təqdim edirik.

Saçların ağarmasının elmi izahı: saç kökündə olan və saça rəng verən melanin hüceyrələrinin ölməsi.

ağarmış saç şəkli

Saçların ağarması əsasən 40 yaşdan sonra baş verir. Bu proses genetika ilə də bağlı ola bilər. Gənc yaşlarda saçların ağarması bəzi xəstəliklərin əlamətləri arasındadır. Bu halda həkimə müraciət etmək lazımdır.

Ağ saçlara qarşı ən təsirli üsullar

1. Hind qozu yağı

Hind qozu yağı saçlara qulluq məqsədilə geniş istifadə olunur. Limon suyu ilə qarışdırılan hind qozu yağı saçların ağarmasını zəiflədir. Bu qarışıq həmçinin saçlara parlaqlıq verir.

Hind qozu yağı

2. Badam yağı və alma suyu

Saçlara fayda verən badam yağı alma suyu ilə qarışdırıldıqda saçların sağlamlığına müsbət təsir göstərir. Badam yağıalma suyu test edilib və müsbət təsirləri sübuta yetirilib. Qarışığı 15 dəqiqə ərzində saçlarınıza sürtüb saç diblərini massaj edin, sonra yuyun.

Badam yağı və alma suyu

3. Soğan suyu

Uzun illərdir saçların ağarmasının qarşısını almaq üçün soğan suyundan istifadə edilir. Ona zeytun yağı və sarımsaq da qatmaq olar. 1 ədəd soğanla 6-7 diş sarımsağı yaxşıca qarışdırın. Sonra 1 ədən yumurta sarısı və yarım stəkan duru yağ əlavə edib qarışdırın. Əldə olunan qarışığı saçlarınıza sürtün. 1 saat gözləyin və yuyun. Bunu həftədə bir dəfə tətbiq edin.

Soğan suyu

4. Kartof

5-6 kartofun qabığını soyub qaynadın. Daha sonra az xodda biraz da bişirin. Əldə olunan suyu hava çəkməyən qaba süzün. Bu təbii məhsulu nəmli saçlarınızın dibinə sürtün.

Kartof saç üçün

5. Çay, soğan və dəfnə yarpağı qarışığı

Saç ağarması problemi olanlar üçün ən yaxşı qarışıqlardan biridir. İki litr suya 2 xörək qaşığı çay, soğan və 3 ədəd dəfnə yarpağı əlavə edin və yaxşıca qaynadın. Süzdükdən sonra əmələ gələn qarışığı saçlarınızın dibinə sürtün.

Çay, soğan və dəfnə yarpağı qarışığı

6. Çörəkotu yağı

Bu vasitəni tətbiq etməzdən əvvəl saçlarınızı bitki tərkibli sabunla yuyun, qurudun. Sonra isə çörəkotu yağı ilə massaj edin. 15-20 dəqiqə gözləyib saçlarınızı yenidən yuyun.

Çörəkotu yağı

7. Köri bitkisi

Ağarmış saçları müalicə edən təbii vasitələrdən biri də köri bitkisidir. Körinin yarpaqlarını əzin və saçlarınıza çəkin.

Köri bitkisi

8. Rozmarin və adaçayı

2 stəkan suya yarım fincan rozmarin, yarım fincan adaçayı əlavə edin. Suyunu ayırıb həmin suyla saçlarınızı yuyun.

Rozmarin və adaçayı

Saçların ağarmasının qarşısını necə almaq olar?

Stresdən mümkün qədər uzaq durmaq lazımdır. Dincəlməli, yuxu sisteminə fikir verilməlidir. Orqanizmə zərər verən pis vərdişlərdən biri də siqaret çəkməkdir. Siqaret çəkmək saçlarınızın vaxtından tez ağarmasına səbəb ola və dərinizi erkən qırışdıra bilər.

Saçların ağarmasının qarşısını almaq üçün B vitamini ilə zəngin olan qidalara üstünlük verin. Xüsusən tərkibində B12 vitamini olan qidalardan istifadə edin. B12 ilə zəngin olan ət, yumurta, süd məhsulları qəbul edin. Bununla yanaşı, A, C, E vitaminləri də olduqca faydalıdır.

Saçlarınızın ağarmaması üçün isti su ilə yuyunmaqdan çəkinin. İsti su saçların təbii strukturuna zərər verə bilər. Həmçinin, yüksək istilikli hava xaric edən qurutma cihazı və saçdüzləşdirici istifadə etməməyiniz məsləhətdir.

Saçların ağarmasının qarşısını necə almaq olar

Saçların ağarması və bilinməsi vacib olanlar

Yaşlanma dərinin qırışması, dişlərin deformasiyası və saçların ağarması kimi əlamətlərlə özünü biruzə verir. Lakin saçların ağarması müxtəlif xəstəliklər və streslə də əlaqədar ola bilər. Saçların ağarmasını sürətləndirən amillərdən biri də saçların erkən yaşda boyanmasıdır. Bunu 30 yaşa qədər etməmək tövsiyə olunur. Keyfiyyətsiz saç boyalarından istifadə etmək də saçları vaxtından əvvəl ağarda bilər.

XƏBƏRDARLIQ!

Məqalədə yer alan yazılar və şəkillər müxtəlif mənbələrdən toplanmışdır və məlumat, nümunə xarakter daşımaqdadır. Qəti bir diaqnoz və müalicə keyfiyyəti yoxdur. Hər hansı bir sağlamlıq probleminiz varsa həkiminizlə məsləhətləşin. Unutmayın, sağlamlıq problemlərində tətbiq olunan müalicə üsulları şəxslərin bioloji, irsi xüsusiyyətləri, yaş, boy, çəki fərqlərinə, allergik cəhətlərinə və onlarla belə fərqli vəziyyətə görə dəyişə bilər. Yalnız həkiminiz sağlamlıq problemlərinizin müalicəsində sizə kömək edə bilər.

Məqaləyə emosiya bildir:
emotion
4
emotion
0
emotion
0
emotion
0
emotion
0
emotion
0
emotion
0
Loading...
Dostlarınla paylaş:
6 ay əvvəl
1602 dəfə oxundu
ilk.az-çılar nə deyir?