Yay istisində qaçınılması lazım olan 13 qida

İsti havalarda yediklərimiz və içdiklərimiz daha çox əhəmiyyət kəsb edir. Edəcəyiniz yanlış seçimlərin mənfi nəticələri ilə qarşılaşmamaq üçün bəzi qidaları siyahınızdan çıxarmalısınız. Mütəxəssis dietoloq Şebnem Kandıralı Yıldırım yayda yeyərkən diqqət etməli olduğumuz 13 qidanı sadalayıb və buna uyğun tövsiyələr verib.

1. Trans yağlar pis xolesterolu artırır və yaxşı xolesterolu azaldır. Bədəndə iltihabı da artırır.

2. Barbekü sousu

Əksər markalarda yüksək şəkər və natrium var. Satın almadan əvvəl qida etiketini yoxlayın. Sousu istifadə edərkən onu minimuma endirin və ya öz sousunuzu özünüz hazırlayın.

3. Kremli salat sousları:

Salatın üstünə çoxlu sous əlavə edərək onu zərərli hala gətirməyin. Təzə limon və ya başqa bir sitrus meyvəsinin suyu, bir çimdik duz və bir qədər yağ ilə göyərti yeyin.

4. Yağlı bifştek

Görünən yağları təmizlənmiş yağsız bifşteklərə üstünlük verin və sadə, sağlam, evdə hazırlanmış souslarla marina edin. Bunun sayəsində xoş ləzzət əldə edə bilərsiniz. Marinasiya əzələ liflərini parçalamağa kömək edir və ət daha yumşaq olur. Marinasiya üçün konservantlardan ibarət qidalar rozmarin, zərdəçal, zeytun yağı və sarımsaqdır.

5. Qızardılmış toyuq və dəniz məhsulları

Qızartmaqdan çəkinin. ¾ fincan qızardılmış dəniz məhsulu təxminən 500 kaloridir və 26 qram yağ ehtiva edir. Ən sağlamı isə qovurmadan bişmiş halda(qaynadılmış, sobada, manqalda və s.) istehlak etməkdir. Qızardılmış məhsullarda yüksək yağ (doymuş, trans) və kalori var. Onlar piylənmə, diabet, insult və xərçəng riskini artırır.

6. Hamburger

Hamburgerləri daha çox yayda yeyirlər, lakin onlar sağlamlığa zərərli olmamalıdır. 91-94 nisbətində yağsız mal əti istifadə edin. Hinduşka burgerinəvə ya evdə hazırlanmış tərəvəzli burger köftəsinə üstünlük verin. Pendir əvəzinə burgerin içini təzə kahı, pomidor və bir az turşu ilə bəzəyə bilərsiniz.

7. Sosiskalı sendviç

Yağsız mal əti və ya hinduşka sendviçlərinə üstünlük verilməlidir. Tərkibləri sadə saxlayın və doğranmış soğan və bir az xardal ilə sendviç hazırlamağı tamamlayın.

8. Dondurma

1 stəkan dondurma təxminən 380 kaloridir. Ən yaxşısı, dondurma, dondurmalı sendviç və barlardan uzaq durun. Bunun əvəzinə, şərbətlərə üstünlük verin. Giləmeyvələri (moruq, çiyələk, böyürtkən və s.) və ya bananları dondurun və püre halına salaraq yetin.

9. Mayonezli salatlar

Tərkibində mayonez olanlahana, makaron və ya kartof salatı çoxlu yağ və kalori ehtiva edir. Mayonez əvəzinə yağsız və ya süzülmüş qatığa üstünlük vermək olar.

10. Piroqlar və ya kekslər

Bütün şəkərli məhsulları bir kənara qoyun. Yay təzə və rəngli meyvələr üçün ideal vaxtdır. Qarpız və qovun kimi təbii şəkərli, sərinlədici meyvələrə üstünlük verin.

11. Kartof çipsləri

Duz və yağ baxımından zəngin olmasına baxmayaraq, imtina edə bilməyəcəyimiz şeylərdən biri də kartof qızartması və çipsdir. Bunun əvəzinə, evdə hazırlanmış salsa və ya guacamole sousu ilə tam taxıllı tortilla çipslərini sınayın.

12. Qazlı içkilər

Temperatur yüksəldikcə soyuducuda sərinlədici içkilər öz yerini tutmağa başlayır. Unutmayın ki, bu içkilər zərərlidir və bel çevrəsinin artmasına səbəb olur. Bu cür içkilərdən uzaq olun.

13. Soyuq qəhvə və milkshake

Soyuq qəhvələrdə yağlı süddən daha çox buz olmalıdır. Bəzi qəhvələrə dondurma da qatılır, dondurması olmayanları seçin. Gündə 1-2 fincandan çox qəhvə içməyin.

Krem və yağlı süd ilə hazırlanmış milkshakelərdən uzaq olun. Susuzluğunuzu su, evdə hazırlanmış şəkərsiz limonadlar və ya kompotlar, kokos suyu, soyuq bitki çayları ilə aradan qaldırın.