Yeməkdən sonra edilməməsi gərəkən 7 vərdiş

Yemək yedikdən sonra əksər insanlar bəzi səhvlər edirlər. Həmin səhvləri sizə təqdim edirik.

Yeməkdən dərhal sonra bir az uzanmaq, meyvə yemək və ya bir fincan çay içmək istəyirsinizsə, təəssüf ki, bunlar düşündüyünüzün əksinə zərərli vərdişlərdir. Bir insanın qidalanmada etdiyi səhvlər sağlamlığına mənfi təsir edə bilər və yeməkdən sonra etdiyi bəzi vərdişlər bədənə ciddi təsir göstərir. Yeməkdən dərhal sonra etməməli olduğunuz 7 şey ...

1. Meyvə yemək

Bir restoranda və ya evimizdə yemək yeyərkən, ümumiyyətlə yeməkdən dərhal sonra meyvə yeyirik. Bu ümumi davranış əslində qüsurludur. Meyvələr asanlıqla həzm olunan qidalar deyil və yeməkdən sonra yeyildikdə düzgün həzm oluna bilməz.

2. Çay içmək

Demək olar ki, bütün insanların etdiyi səhvdir. Əksəriyyətimiz yeməyi bitirən kimi armudu stəkanlarda bəh-bəhlə çay içirir. Ancaq bu vərdiş yeyilənlərin sinirilməsinə və bədənin qidadan yetərincə fayda ala bilməməsinə səbəb olur. Çayı yeməkdən bir neçə saat sonra için.

3. Gəzintiyə çıxmaq

İnsanlar yeməkdən sonra piyada gəzməyə üstünlük verirlər. Bu, qəbul etdiyimiz qidadakı maddələrin orqanizmimiz tərəfindən alınmasını məhdudlaşdırır. Buna görə, gəzməyi bir neçə saat təxirə salın. Yeməkdən dərhal sonra gəzinti tövsiyyə olunmur.

Sağlam qalmaq əsla bunları etməyin!

4. Duş qəbul etmək

Yeməkdən dərhal sonra qarnınız dolduqda duş almaq, hətta çox isti duş qəbul etmək də edilməməli olan şeylərdən biridir. Vücudumuz qidaları həzm etmək üçün bədən istiliyini qorumaq istəyir, ancaq isti duş qəbul edərkən mədədən qan axını gedir və bədənimizi artıq istidən qorumaq üçün dərimizə doğru gedir. Bu, yeməyin həzm olunmamasına səbəb olur.

5. Yatmaq

Yeməkdən dərhal sonra yatmaqdan çəkinin, çünki yatarkən mədədəki turşu qida borusuna keçir. Bir çox insanın ürək yanması yaşamasının səbəbi budur və gələcəkdə belə bir vərdişiniz varsa, reflüksə sahib ola bilərsiniz.

6. Üzmək

Tox qarınla üzmək olduqca təhlükəli ola bilər. Ən azı yarım saat gözləməlisiniz. Yeməkdən sonra həzm sisteminin yaxşı işləməsi üçün qan axını qarına doğru olmalıdır və əgər tox qarına üzülürsə, bu, qarında şişkinlik yaradır.

7. Siqaret çəkmək

Siqaret çəkənlər yeməyi bitirən kimi dərhal bu əmələ əl atırlar.siqaretin tərkibində olduqca təhlükəli, xərçəng yaradan maddələr var. Yeməkdən sonra qəbul edilən nikotin bu təsiri daha da artırır. Ən yaxşısı, siqaret çəkməyin.