Yay aylarının sevimli meyvələrindən biri olan qarpız, xüsusilə isti havalarda elektrolitlə zəngin su mənbəyi kimi yeyilir. Qarpızın bir çox faydası var. Qarpızın faydalarını öyrəndiyiniz zaman əhəmiyyətini daha yaxşı anlayacaqsınız və daha çox yeyəcəksiniz. Qarpızın faydaları hansılardır? Qarpızın bir çox orqana faydası var. Onları təqdim edirik.
1. Xolesterolu tənzimləyir
Qarpız güclü antioksidantdır. İçindəki qırmızı rəng onun nə qədər güclü bir antioksidan olduğunu göstərir. Antioksidantlarla birlikdə tək və çoxlu yağ turşularını ehtiva edən qarpız xolesterinin oksidləşməsinin və damarlarda yığılmasının qarşısını alır. Pis xolesterolu azaltmağa kömək edir.
2. Astma üçün faydalıdır
Qarpız C vitamini ilə zəngin olan meyvələrdəndir. Tərkibindəki C vitamini ilə astma tutmalarının azalmasına kömək edir. Bundan əlavə, qarpızın tərkibindəki likopen və A vitamini nəfəs darlığı problemlərinin azalmasına təsir göstərir. Beləliklə, astma xəstələri üçün ən çətin olan nəfəs darlığı
problemi yüngülləşdirir.
3. Prostat xərçəngindən qoruyur
Tərkibində bir çox başqa antioksidant olan qarpız xərçəng hüceyrələri ilə də mübarizə apara bilir. Antioksidantlar sayəsində xərçəng riskini azaldır. Tərkibindəki likopen maddəsi ilə xüsusilə prostat xərçəngi üzərində təsirli rol oynayır və pis hüceyrələrin çoxalmasının qarşısını alır.
4. Sarı ləkə xəstəliyindən qoruyur
Qarpızın tərkibindəki A vitamini göz sağlamlığı üçün son dərəcə vacibdir. Gözü qidalandıran və sağlamlığını qoruyan A vitamini ilə bir çox göz xəstəliklərinin, eləcə də sarı ləkə və katarakta kimi problemlərin riskini azaldır.
5. Qan təzyiqini aşağı salır
Qarpızın tərkibindəki arginin azot oksidinin istehsalında istifadə olunur. Azot oksidi qan damarlarının genişlənməsində rol oynayır. Genişlənmiş damarlardan qan axını daha asan təmin edilir və buna uyğun olaraq qan təzyiqi azalır. Beləliklə, ürək-damar sağlamlığı qorunur.
6. Bağırsaq hərəkətlərini tənzimləyir
Qarpızda yüksək miqdarda lif və su var. Bu iki amil bağırsaq hərəkətlərini tənzimləməyə, həzmi asanlaşdırmağa və qəbizliyin qarşısını almağa kömək edir. Lif sayəsində bağırsaq sağlamlığı qorunur. Həzm asanlığı arıqlamaq və çəki saxlamaq üçün də vacibdir.
7. Böyrəklərin daha yaxşı işləməsini təmin edir
Tərkibində cucurbocitrin maddəsi olan qarpız xüsusilə tumları ilə birlikdə yeyildikdə böyrəklərə fayda verir. Qarpızın tərkibindəki komponentlər böyrək funksiyalarını tənzimləməyə kömək edir. Orqanizmdə artıq natriumun xaric olmasını sürətləndirir. Qarpızın 95 faizi su olduğu üçün böyrəklərin təmizlənməsində də böyük rol oynayır.
8. Sidikqovucudur
Qarpızın tərkibində bu qədər su olması onu sidikqovucu təsir baxımından ən yaxşı meyvələrdən biri edir. Təbii sidikqovucu olan qarpız orqanizmdən toksinləri daha tez çıxarmağa kömək edir. Bu, özünü daha yüngül və fit hiss etməyə imkan verir.
9. Əzələ ağrılarını aradan qaldırır
Qarpız suyunun faydalarından xüsusilə idmançılar istifadə edirlər. Bunun səbəbi qarpızın əzələ ağrılarını azaltma xüsusiyyətidir. Məşqdən sonra qarpız və qarpız suyu qəbul etmək əzələlərin qısa müddətdə bərpasına kömək edir və ağrıları aradan qaldırır.
10. Yuxu keyfiyyətini artırır
Qarpızdakı maqnezium yuxu keyfiyyətini artırmağa kömək edir. Yuxu pozğunluğu olan insanların qarpızdan istifadə etmələri tövsiyə olunur. Bununla da daha keyfiyyətli yuxu keçirə bilərsiniz.
Qarpızın zərərləri
Aşırı dərəcədə qarpız yedikdə ishal, qaz və şişkinlik problemləri yarana bilər. Bundan əlavə, qarpızda fruktoza nisbəti çox yüksəkdir və çox qəbul edildikdə qan şəkərini yüksəldir. Diabet xəstələrinin qarpızdan istifadə etməsi əlverişsiz ola bilər. İnsanların damaq dadları arasında “qarpız-pendir” cütlüyünün xüsusi yeri var. Yayda pəhriz saxlayanların əsas seçimlərindən biri olan qarpız-pendir normadan artıq yeyildikdə kökəlməyə səbəb olur.
Sağlam şəkildə arıqlamağın dəyişməz və ən doğru yolu balanslı qidalanma və nizamlı şəkildə hərəkət etməkdir. Balanslı qidalanma bütün qida qruplarından az-az yeməkdir. Davamlı olaraq qarpız yeyirsinizsə, digər qida qruplarından məhrum olacaqsınız. Qarpızı çox yemək onun faydalarını zərərə çevirə bilər.