Gün ərzində enerjili olmağınızı təmin edəcək 6 metod

Səhər yuxudan qalxdıqda etdiyimiz bəzi səhvlər günə enerjili başlamağımıza mane olur, xəstəliklərə gətirib çıxarır. Gün ərzində xoş əhval-ruhiyyəli olmaq üçün bəzi məqamlara diqqət etmək lazımdır.

Təqdim etdiyimiz 6 üsulla günə daha enerjili başlaya və bu enerjinizdən gün ərzində faydalana bilərsiniz.

1. Zəngli saatın siqnalını ertələmək

Daha bir neçə dəqiqə yatmaq üçün ertələnən siqnal vərdiş yaradır. Daha çox yatmaq istəyi oyanarkən orqanizmin balansını pozur.

2. Yatağınızdan tez qalxmayın

Yuxudan tez oyanıb sürətlə ayağa qalxdıqda gecə ərzində sərtləşən əzələlərimiz daha çox təzyiqə məruz qalır, ağrıyır. Bunun nəticəsində bel ağrıları əmələ gələ bilər. Yataqdan qalxarkən dizlərinizi ardıcıllıqla qarnınıza çəkməyiniz əzələlərinizin isinməsinə, qanın bədəninizə yayılmasına, özünüzü daha dayanıqlı hiss etməyinizə kömək edəcək.

3. Əyninizə jilet geyinin

Səhərlər bədən temperaturu otağın temperaturundan yüksək olmalıdır. Xəstələnməmək üçün səhər geyimi və ya jilet geyinin. İnsan xəstələndikdə enerjili ola bilməz.

4. Əvvəlcə dişlərinizi fırçalayın

Yuxudan oyanan kimi su içmək və ya nəsə yemək gecə ərzində ağızda yaranan toksinlərin bağırsaqlara daxil olmasına səbəb olur. Buna görə, əvvəlcə dişlərinizi fırçalayın.

5. Səhər günəşini hiss edin

Mütəxəssislər günə yaxşı başlamaq, depressiyadan uzaq olmaq üçün səhərlər günəş işığını, istiliyini hiss etməyin vacibliyini vurğulayırlar. Oyanan kimi pərdələri açmaq günə pozitiv şəkildə başlamağınıza səbəb olacaq.

6. Yarım saat sonra səhər yeməyi yeyin

Metobalizmanın yaxşı çalışması üçün oyandıqdan yarım saat sonra səhər yeməyi yeyin. Səhər idmanı da faydalıdır, ancaq idmandan əvvəl banan və digər kalorili meyvə yeyin.

Fikirlər (2)