Mütəxəssislərdən günəş eynəyi tövsiyəsi

Xüsusilə yay günlərində uzun müddət günəş işığının təsiri altında qalmamağı tövsiyə edən mütəxəssislər, göz sağlamlığının qorunması üçün keyfiyyətli günəş eynəyi seçməsinin vacib olduğunu bildiriblər.

Keyfiyyətsiz eynəklərin gözlərə qalıcı zərər verə biləcəyi də vurğulanıb. Mütəxəssislər günəş eynəklərindən istifadə ilə bağlı aşağıdakı xəbərdarlığı ediblər:

“Keyfiyyətsiz məhsulları ucuz qiymətə alıb, onların gözlərə verdiyi zərərləri aradan qaldırmaq üçün daha çox pul ödəyirik. Bu vəziyyət həm şəxsi, həm də sosial iqtisadi quruluşa təsir edir. Kənardan gözəl görünən günəş eynəkləri ətrafınızdakıları sevindirə bilər; lakin günəşli sabahları görmək üçün göz sağlamlığını qorumaq daha vacibdir. Estetik aksesuar kimi günəş eynəklərinə üstünlük verilir. Lakin eynəyin əsas məqsədi gözləri zərərli şüalardan qorumaqdır. Göz bəbəyi, yəni gözün ortasındakı qara hissə işığa məruz qaldıqda kiçilir və qaranlıqda böyüyür.

Günəşə çıxan adamın göz bəbəyi kiçilir və işığı kəsir. Günəş eynəyi saxta qaranlıq effekt yaradır. Günəş eynəklərində istifadə edilən linza ilə gözləri ultrabənövşəyi şüalardan qorumaq göz sağlamlığının qorunmasını təmin edir. Ultrabənövşəyi filtrləri olmayan günəş eynəklərinə üstünlük verilməməlidir. Eynəyin çərçivəsində istifadə olunan materialın keyfiyyətsizliyi və ya insanın xüsusiyyətlərinə uyğun olmaması allergik təsirə səbəb ola bilər”.