"Aşk diziləri" - Türk serialı tarixində iz qoyan ən yaxşı sevgi serialları

Sevgi duyğusunun ön plana çıxdığı, əla senarilərilə izləyənləri heyran qoyan ən yaxşı sevgi seriallarını bir araya gətirmişik. IMDb ballarına görə sıraladağımız həmin serialları təqdim edirik.

IMDb balı azdan-çoxa olmaqla türk aşk diziləri siyahısını sizə təqdim edirik. Siyahıda yer almış ən yaxşı aşk diziləri artıq bitmişdir. Lakin interner saytlarından və Youtube-dən həmin diziləri taparaq izləyə bilərsiniz.

Senarisində eşq hekayəsi ehtiva edən seriallar izləyicilər tərəfindən maraqla qarşılanır. Dram və komediya dolu səhnələrlə əlavə üsütünlük qazanan seriallar aşağıdakılardır.

1. Binbir Gece (2006-2009) - IMDb: 5,2

Baş rollarda Halit Ergenç və Bergüzar Korelin yer aldığı serialın rejissoru Mehmet Bilaldır. Leysemiya xəstəsi olan oğluna ilik nəqli üçün maddi yardım axtaran dul qadın Şehrazat hər yerdən imdad diləyir. Nəhayət ki, qarşısına fürsət çıxan Şehrazat oğlu üçün bəzi şeylərdən vaz keçməlidir.

2. Asmalı Konak (2002-2004) - IMDb: 5,8

Mahinur Ergun və Meral Okayın rejissoru olduğu serial öz dövrünün ən çox sevilən seriallarından olub. Seymen və Bahar Amerikada tanış olur və bir-birini sevirlər. Kapadokyaya qayıdan Seymen bu sevgini unutsa da, Bahar ondan əl çəkmir. Onlar burada evlənirlər. Sonra isə bəzi problemlər baş qaldırır.

3. Serseri (2003-2004) - IMDb: 5,9

Ömər və zəngin və gözəl Sibelin eşi əks olunub. Müxtəlif cinayətlərə görə başı bəlalar çəkən Ömər dostları Cemo və Cafer ilə məhəlləni viran qoyarkən Ömər Sibelə aşiq olur. Sibeli sevən başqa biri - Baykuş Ömərlə düşmən olur.

4. Medcezir (2013-2015) - IMDB: 6,8

Serialda baş rolları Çağatay Ulusoy, Serenay Sarıkaya və Barış Falay ifa ediblər. Cəsur və yaraşıqlı gənclə varlı ailənin qızı arasında yaşanan məhəbbət və bunun nəticəsində yaranan olaylar təsvir olunub.

5. Yalancı Yarim (2006-2007) - IMDB: 7,0

Barış Akarsu və Merve Sevinin baş rollarda oynadığı serialın rejissoru Haluk Özençdir. Ralliyə olan həvəsinə görə atasıyla dalaşıb evi tərk edən Tarık ölkədən getmək istəyir. Bir müddət bunu bacarmayacağını anlayan gənc işə girir və varlı qızın sürücüsü olur.

6. Kiralık aşk (2015-2017) - IMDB: 7,1

Ən yaxşı türk sevgi seriallarından olan "Kiralık aşk"da standart həyat yaşayan və qarson işləyən Defnenin 6 ay sevgi oyunu oynaması təsvir olunub. Bu müddətdə ölkənin ən varlı ailələrindən birinin oğlunu tovlayacaq və onunla birlikdə olacaq Dəfnə gözləmədiyi məhəbbət üçbücağı arasında qalır. Baş rollarda Elçin Sangu və Barış Arduç çəkiliblər.

7. Kara Sevda (2015-2017) - IMDB: 7,1

Serialda baş rolları Burak Özçivit və Neslihan Atagül ifa ediblər. Rejissor Özlem Yılmazdır. Bir-birini sevən iki gənc problemlərlə üzləşirlər. Ancaq buna baxmayaraq, mübarizə aparırlar.

8. Beni Böylə Sev (2013-2015) - IMDB: 7,1

Bir-birini sevən Ayşe və Ömer evlənməyə qərar verirlər. Ailələri isə buna razılıq vermir. Bəzi problemlər onların sevgisini sarsıdır. Serialda Zeynep Çamcı, Alper Saldıran, Eda Ece və Güven Kıraç kimi aktyorlar çəkilib.

9. Benim İçin Üzülme (2012-2013) - IMDB: 7,1

Serial hər bölümü ilə izləyənləri həyəcana və marağa qərq edib. Uşaqlıq dostları olan Niyazi və Harun kəndlərinə mövsümi işçi kimi gələn Bukeyə aşiq olurlar. Bundan sonra dramatik olaylar yaşanır. Buke Niyazini sevir, Harunsa bundan xəbərsiz ona sevgisini etiraf edir. Serialda Tansel Öngel, Öykü Çelik, Eren Hacışahinoğlu, Çağlar Ertoğrul və Fulya Zenginer kimi aktyorlar rol alıb.

10. Aşk-ı Memnu (2008-2010) - IMDb: 7,3

Serial eyniadlı əsər əsasında çəkilib. Serialda Beren Saat, Kıvanç Tatlıtuğ və Selcuk Yöntem kimi aktyorlar rol alıb. Arvadını itrdikdən sonra gənc qadınla evlənən Adnan bəy və ailəsinin başına gələn olaylar təsvir olunub. Anasının təkidilə Adnan bəylə ailə quran gənc və gözəl Bihter ürəyini Adnan bəyin qohumu Behlülə verir. Onların arasında gizli sevgi yaşanır.

11. Gülbeyaz (2002-2003) - IMDb: 7,4

Serial öz dövrünə möhür vuraraq çoxlu izləyici kütləsinin rəğbətini qazanıb. İki düşmən ailənin övladları olan Gülbeyaz və Kadir tanış olurlar. Zaman keçdikcə bir-birini sevirlər. Onlar sevgisi ilə ailələrinə meydan oxuyur. Baş rollarda Şevval Sam və Nejas İşler çəkilib.

12. Hatırla Sevgili (2006-2008) - IMDb: 7,7

Məşhur rejissor Tomris Giritlioğlunun ən yaxşı ekran işlərindən olan serial siyasi və dünya görüşlərinə görə fərqlənən iki ailənin bir-birini sevən övladlarından bəhs edir. Ahmet və Yasemin heç nəyə baxmayaraq, bir-birini sevir, ailələri isə müdaxilələrlə onları çətin vəziyyətə salırlar.

13. Fi (2017-2018) - IMDb: 7,9

Yazıçı Azra Kohenin "Fi-Çi-Pi" triologiyası əsasında çəkilən serialda fərqli həyat tərzləri senariləşdirilib. Serialda Serenay Sarıkaya, Ozan Güven və Berrak Tüzünataç kimi aktyorlar çəkilib.

14. Tatlı Hayat (2001-2004) - IMDb: 8,4

Türkan Şoray və Haluk Bilginerin baş rollarda oynadıqları serialda quru təmizləmə işindən çoxlu pul qazanan İhsan və arvadı Sevinçin kasıb həyatdan uzaqlaşıb Etilerə köçməsi və bundan sonra yaşanan maraqlı əhvalatlar əks olunub. Sevinç və İhsan yeni həyata uyğunlaşmağa çalışırlar. Onların sevgisi də yenilənir və daha da güclənir.

15. Leyla ile Mecnun (2011-2014) - IMDb: 9,1

Absurd komediya ustası Onur Ünlünün məşhur serialı ən yaxşı sevgi seriallarından biridir. Baş rollarda Ali Alay, Ahmet Mümtaz Taylan və Köksal Engürün çəkildiyi serialda doğulduqları gün ailələrinin bir-birinə sözlədiyi Leyla və Mecnunun illər sonra tanış olması və yaşadıqları sevgi hekayəsi təsvir olunub. Maraqlı obrazlar olan İsmail abi, Erdal Bakkal və Hırsız Yavuz seriala əlavə rəng qatırlar.

Dizilər haqqında digər məqaləmiz:

• Netflix Türk Diziləri - Netflix-də ən çox baxılan ən yaxşı türk serialları
• Ən yaxşı türk serialları